Gəl sevdalım, gəl könlümə,
Demirəm ki, heç getmədin.
Gəl, ey canım, yaşat yenə,
Söyləmirəm, can, bitmədin.

Gəl, ey sevdam, vəfadarım,
Bir ömürlük asi yarım,
Qoy ac qalım, bitsin varım,
Heç qəmim yox, tərk etmədin.

Gəl sevdalım, baxışların,
Ruhuma bu axışların,
Yüzündəki naxışların,
Yaxsın, çünki tərgitmədin.

Gəl sevdiyim məğrur gözəl,
Sən hər zaman mənə özəl,
Tanrı səni yazdı əzəl,
Mən oxudum, eşitmədin.

Qürurunu yenincə, bax,
Güllər açdı üzündə bağ,
Eşqin nəhri hey axaraq,
Həyat verdi, əritmədin.