Bir ovuc sevgi, bir çimdik sәdaqәt, bir tikә dә dürüstlük

Bir ovuc sevgi, bir çimdik sәdaqәt, bir tikә dә dürüstlük.
Çәtindir, sevgilim,
Tәk oturub ağlamaq çox
çәtindir,
Ölәn hisslәrimin xatirәsinә.
Әllәrimi qulaqlarıma tutub kar olmaq istәyirәm ki, eşitmәyim.
Qulaq asa bilmәyim Can verәn sevgimizin
iniltisinә.
Yox, sәn anlamazsan.
Sәn anlamazsan,
daim aldadılmaq qorxusu ilә
yaşamaq nәdir.
Çәtindir sevgilim, çox çәtindir.
Bir ovuc sevgi, bir çimdik sәdaqәt, bir tikә dә dürüstlük.
Ömrüm boyu sәndәn umduğum bu olub.
Gecәlәri sәhәrәdәk nәfәsinlә
mәn yuxuya gedәndә dә,
Sәnin üçün hәyatımı tәrk elәyib,
İkimizә bircә hәyat seçәndә dә.
Ürәyimә tikan atıb
içimdәki xoşbәxtliyi didәndә dә,
Ağlımda yalnız bir şey olub:
Bir ovuc sevgi, bir çimdik sәdaqәt, bir tikә dә dürüstlük.
Sabahdan mәn olmayacam.
Atacam özümü Xәzәrin dibinә.
Bәlkә bir ana balıq, ac balalarına mәni yem edib sevinә.
Sevinc gәlә evinә.
Bәlkә bir erkәk suiti bir tikәmi qoparıb,
Hәdiyyә edәr dişisinә.
Bәlkә bir dişi su iti,
şam bişirәr ovdan evә yorğun gәlәn kişisinә.
Mәndәn dadan bütün dәniz heyvanları Ad qoya öz sevgisinә: Bir ovuc sevgi, bir çimdik sәdaqәt, bir tikә dә dürüstlük.