Əli Əkbərin İsveçrənin “KaMeRu” nəşriyyatında yeni romanı “Yolayrıcı” (Die Kreuzung) almanca çap olunub. Roman İsveçrədə sığınacaq almış qaçqınların qaçqın düşərgəsindəki sərt qaydalar altında yaşayışının təsviri ilə başlayır. Burda həbsxananı xatırladan gündəlik həyat tərzi, dolğun bir dillə təsvir olunuraq, insanda dəhşət oyadır.  

Müəllif təkcə Azərbaycandakı hakimiyyətin təbliğat işindən, internetdəki intiriqa və yalan bataqlığında batmış cəmiyyətdən deyil, həm də qürbətdəki mühacirin ilk günlərindən yazır. Onun qəhrəmanlarının get-gedə şiddətlənən vətən həsrəti və qürbətdə stabil həyat qurmaq arzusu sonrakı hadisələrə başlanğıc verir.

Romanın qəhrəmanı, öz ölkəsində məhşur ssenarist olan Əmir Azərbaycandakı rejimə qarşı çıxır, hakimiyyət tərəfindən bir neçə təzyiqlərə məruz qaldıqdan sorna İsveçrə səfirliyinin köməyilə ailəsi ilə birlikdə ölkədən çıxıb xilas oluna bilir. O anlayır ki, qaçqın şəhərciyində qoyulan qaydalar hamısına əməl etmək mütləqdir. Bununla belə o yazmağa davam edə bilmədiyi üçün məyusluq keçirir, çünki yazmaq onun üçün nəfəs almaq kimi bir şeydir. Azərbaycan höküməti ona vacib bir mədəni layihə üzərində işləmək təklif edəndə, o axır ki, razılaşır və mühüm qərar qəbul edir.

“Yolayrıcı” – daha çox siyasi və avtobioqrafik tərzdə mükəmməl yazılmış bir romandır.

Kitab bu il oktyabr ayının əvvəllərində Almaniyada keçiriləcək Frankfurt kitab sərgisində təqdim olunacaq.

Əli Əkbər kitabının Azərbaycanda çapını, azərbaycan dilinə tərcüməsini qadağan edib.   

Mənbə: oxuzali.az

• 1
• 2
• 3
• 4
• 5