Düşünmədən ömrümüzə son qoyar,
Yarı qalar neçə-neçə arzular…
Əzablı dünyadan könül qurtular,
5 arşın ağ- ən sonuncu don budur..
Həyat budur, ömür budur, son budur…

Köməyə gələmməz, nə oğul, nə qız,
O soyuq qəbrdə qalarsan yalnız,
Fərqi yox, baş daşı baha ya ucuz,
Qəbr əzabı hər insanı qorxudur,
Həyat budur, ömür budur, son budur…

Çatmaz köməyinə minin, milyonun,
Bilirsən,1 sonu vardır hər yolun,
Heç kim öz sonundan qaçırmaz boyun,
Hər əvvəlin axırında son durur,
Həyat budur, ömür budur, son budur…

Artıq qapını da döyən tapılmaz,
Yetimin bir dostu, sirdaşı olmaz,
Bu da bir qaydadır heç bir il olmaz,
Ən yaxın dostun da səni unudur,
Həyat budur, ömür budur, son budur…

Ya maşın qəzası, ya da cinayət
Axırda ömrünə olar nəhayət.
Çox öz taleyindən etmə şikayət,
Fələk hər insana bir tələ qurur,
Həyat budur, ömür budur, son budur…