Səkinə Qərib

Şeir

Bilirsiz, gecələr necə aciz olur adam beş əşyalıq otaqda?

Beş əşyalıq otaqda kabus görəndə…

Paltarların canlanıb səni boğmaq istəyəndə,

Bilirsiz necə çətindi qaçıb qurtula bilməmək…

Öz saçımın kölgəsindən qorxmaq,

Beş əşyalıq otağında

Fincanın içi soyuq köhnə çaydan ləkə qoymuş

Çayın izlərini narahat etmək istəmirsən…

Hər gecə səni boğan pal-paltarların səhər saxta gülüşünü görmək

Bilmirlər uzunqol köynəyin qollarını boğazına keçirməyini də görmürlər,

Pərdədən elə qorxarsan gecələr,

Küləklə rəqs eləməz o daha