Gülnarə İsrafilqızı - İşıqçı Şeir

  • 19-03-2015 00:43
  • 42001 baxış
  • şərh
  • ,

Gülnarə İsrafilqızı - İşıqçı

İşıqçı

Dirəkdən asıblar məftili,
İntihar edibmiş kimi.
Otağın lampası sükuta qərq olub,
Ayrılıb sevdiyindən.
Həsrətini çəkir məftilin.
Boynunu yaralayıb qayçı iki gündür.
İnsafsız işıqçı...
Hardan bilsən ki, intiharı?
Qaralıb lampa.
Şam işığı işıqlandırmır üzünü.
Zəng etdik,
Yollarda ilişib qalıb, yəqin tıxacdır yollar.
Məsafələr uzanır.
Yollar layla çalır...işıqçıya
Hər gün gəlirik, indi gəlirik, gəlib çıxmır ki, çıxmır.
Daha gəlməsədə olar.
Gözümüz qonaq edib qaranlığı.
Qonşudan bir adam çağırıb,
Məftili lampaya qovuşdurarıq.
İşıqlandırar sevgi evimizi.
İşıqçı, sən isə yollara aşiq ol,
Yollar sənə aşiq olan kimi.
vətən ölür!
vətən ölür, saxtakarlıqda
çadır şəhərcikləri, şəhərləşir.
ağrılar acılar köhnələşir.
sinə daşı qoyulub
on iki qara mərmərdən.
baş daşı cızılıb ad ad
şadlıq saraylarının ən uca zirvəsində.
Zəngəzur, Dərbənd, Göyçə...Təbriz!
Və...
Ağdam, Şuşa, Laçın Zəngilan
Qubadlı, Kəlbəcər, Füzuli,
Cəbrayıl,Xocavənd.
adı yazılmamış qalıb Xankəndin
Əskəranın, Xocalının.
ad qoyma mərasimi keçirələcək
yəqin ki, bir gün...
Qarabağ şikəstəsi çalınır toylarımızda....
vətənpərvərlik hissimiz
yüz qıramlıq şərab qədəhi boyda qalıb
masanın üstündə...
onunçün də, qədəhlərin bir-birinə toxunub
səs çıxardığı qədər, ətrafa yayılır səsi.

 

Qiymət 5/5 (100%) (1 səs)

Digər xəbərlər

Чимназ Чинарлы. Почему в Азербайджане нет хорошего кино. Esse

"Qadın corabları"nın nəyini sevmədim

Arzu Məmmədova. Səssiz Ev. e s s e

Ernest Heminquey Marlen Ditrixə: Səni çılpaq və sərxoş təsəvvür edirəm

Mirzə Alik. Qırmızı Winston. h e k a y ə

Şərhlər