Azərbaycan Respublikasının Baş Prokuroru

 Zakir Qaralova

Açıq Məktub

Hörmətli cənab Baş Prokuror!

Mən – Rasim Qaraca, jurnalist, şair, yazıçı və tərcüməçiyəm, bu günə qədər 9 kitabım nəşr olunub. 

Sizə müraciət etməyimin səbəbi xaricə çıxışıma STOP qoyulmasıyla bağlıdır. 2015-ci ildə Meydan TV saytında ədəbiyyat mövzusunda yayınlanan (başqa bir saytdan alınaraq) cəmi 2 yazıma görə adım cinayət işinə salınıb və ölkədən çıxışıma qadağan qoyulub.

Nəzərinizə çatdırıram ki,

-bu yazıya görə Meydan TV-dən heç bir qonorar almamışam,

-yazılardan biri başqa saytdan götürülərək yayınlanıb

-Meydan TV ilə heç bir əməkdaşlığım yoxdur

-ümumiyyətlə siyasi fəaliyyətlə məşğul deyiləm

Bu məsələylə bağlı Respublika Prokurorluğuna müraciətlərim nəticə verməməkdədir.

Məsələni böyütmək, məhkəməyə müraciət etmək və ya Avropa Məhkəməsinə şikayət etmək fikrim yoxdur. Bunun bir yanlışlıq nəticəsində olduğunu və Sizin göstərişinizlə asanlıqla aradan qaldırılacağına inanıram.

Öncədən təşəkkür edirəm!

Rasim Qaraca