Samir İmanov. ƏLVİDA Gündəm

Samir İmanov. ƏLVİDA

Samir İmanov

 

BU DA SON

 

Bu da son. Bitdi. Daha doğrusu bitdim, tükəndim. Bütün enerjim söndü. Etdiyim çoxsaylı müraciətlərə qarşı olan diqqətsizlik, etinasız yanaşma, səthi münasibət 38 yaşlı “gənc yazar”ı “öldürdü”. Artıq Sadəcə əlil Samir İmanov var. Ölkədəki 620.000-dən biri. Yazar, motivator, xarici saytlarda dərc olunan, ali və orta təhsil ocaqlarında təlimlər keçən, müsabiqələrdə qalib olan, çox sayda mükafat qazanan, əlilliyə meydan oxuyan, “Bu cəmiyyətdə mən də varam” deməyi bacaran yox. İstedadsız, gözünü pensiyaya dikən, gününü telefonda oyun oynayaraq keçirən, əlilliyə boyun əyən, ictimai proseslərdən kənarda qalan Samir İmanov. Siz ki bunun belə olmasını istəyirdiniz. Qalib gəldiniz. Təbrik edirəm sizi.

Mən kitab yazmağa başlayanda ölkədə əlilliyi olan insanlar haqda bir dənə də bədii ədəbiyyat yox idi. Xarici ölkələrdə bu mövzuda yüzlərlə ədəbiyyat olduğu halda bizim ölkədə bir dənə də yox idi. Bu sahədə boşluğu doldurmaq isə həddən artıq vacib idi. İnsanların bu sahədə məlumatlanmasına, maariflənməsinə çox böyük ehtiyac var idi. Mən bu boşluğu doldurmağa qərar verdim. Etiraf edirəm ki peşəkar yazar deyiləm. Lakin əlillik mövzusunda yazmaq üçün peşəkar yazar olmağa ehtiyac da yox idi. 38 illik əlillik həyatı hər şeyi incəliyinədək öyrətmişdi mənə. Bu mövzu haqda məndən yaxşı kim yaza bilərdi ki ? Zatən heç bir peşəkar yazar bu mövzuya toxunmamışdı. Bu mövzuda 4 kitab nəşr etdirdim. Hər bir kitab üçün 2 ilimi sərf etdim. Kitabı 1 il ərzində yazıb-bitirirdim. Söz yığınından ibarət olmaması üçün, insanların kitabdan faydalanması üçün xüsusi həssaslıqla işləyirdim yazılarımın üzərində. Hər bir kitabda həm əlilliyi olan şəxslər, həmi də tipik insanlar üçün yazılar yerləşdirirdim. Kitab hazır olandan sonra daha çətin mərhələ başlayırdı. Kitabın cəmi 300 tirajla nəşrinə pul tapmaq üçün 300 nəfərə müraciət edirdim. Kitab nəşr olunduqdan sonra satmaq üçün isə daha 300 nəfərə. Məqsəd bəlli idi. İnsanların əlillik məsələləri üzə maariflənməsi və daha çox əlilliyi olan şəxslərin kitablardan faydalanması. Kitabı yazmaq, sponsorlara yalvarmaq və xahiş-minnətlə alıcı tapmaq mənim enerjimi, motivasiyamı, yazıb-yaratmaq həvəsimi, əlilliklə mübarizə əzmimi yavaş-yavaş əridirdi. Və nəhayət bitdi. Bu mövzuda 20 kitab yazmağı hədəfləsəmdə.

Maddi vəziyətimin aşağı olması, heç bir dövlət qurumunun dəstək olmaması və insanlarda kitaba marağın az olması səbəbindən yaradıcılığa ƏLVİDA. Yazılar nə qədər mənalı, nə qədər faydalı olursa-olsun, əgər pul yoxdursa kitab da yoxdur. Söz puldan asılıdır. Məndə isə pul yoxdur. Məhs pulun olmadığına görə kitabın nəşrində, təbliğində, satışında, imza günlərində çox böyük çətinliklərlə qarşılaşıram. Tək yazmaqla kifayətlənmirdim. Əlilliyi olan şəxslərlə bağlı çox sayda layihələrim var idi. Hər biri arzu olaraq ürəyimdə qaldı. Çünki mənə dəstək olmaları üçün dəfələrlə rəsmi şəkildə müraciət etdiyim dövlət qurumlarından heç biri səsimə səs vermədi, mənə kömək etmədi, yaradıcılığıma dəstək olmadı. Məhz dəstək olmadıqları üçün əlillik mövzusunda topladığım yazılardan ibarət almanaxı nəşr etdirə bilmədim. Əlilliyi olan insanlara qarşı etiket qaydalarından bəhs edən 30 dəqiqəlik videoçarxı çəkdirə bilmədim və saymadığım çoxsaylı yarımçıq qalmış layihələr. Yazmağa başlayanda diqqətimin yalnız 20 faizini yazıya yönəldə bilirəm. Qalan 80 faiz isə gündəlik qayğıların, oğlumu hansı pulla müalicə etdirəcəyimin, ödəməli olduğum kreditin, arabamın keyfiyyətdən düşmüş akülərinin, yazdığımı hansı pulla nəşr etdirəcəyimin və digır sosial problemlərin yanına “uçur”. Cəmiyətlə mübarizə apara-apara, ona-buna yalvara-yalvara edə bildiklərim isə bura qədərdi. Bundan sonrasına gücüm yetmir. Artıq dayanmağa qərar verdim. Bundan sonra sadəcə 1-ci qrup əlil Samir olacam. Bundan sonra məni görəndə nümayişkəranə şəkildə qulağınızı çəkərək “İraq olsun” deyin. Uca səslə deyin ki mən də eşidə bilim.

 

 

 

 

Qiymət 0/5 (0%) (0 səs)
Samir İmanov

 

BU DA SON

 

Bu da son. Bitdi. Daha doğrusu bitdim, tükəndim. Bütün en">

Digər xəbərlər

Çin müdriklik kitabı Dao De Cin azərbaycanca

Samir İmanov. Etiraf. e s s e

Səkinə Qərib. QORXULU HEKAYƏ

YENİ SƏSLƏR: Səkinə Sartel

“Skuçnaya politika"

Şərhlər