Məni də N!DA-ya yazın Gündəm

Məni də  N!DA-ya yazın

AZAD QARADƏRƏLİ

Məni də  N!DA-ya yazın

 

                      Bəxtiyar, məni də komsomola yaz!

                                                             S.Vurğun

 

N!İDA Vətəndaş Hərəkatı. Bu ifadə neçə vaxtdır kluarlarda dolaşır və dolaşdıqca da bəzi üzlərdə bir sual, bəzisində heyrət, bəzisində də qoyun laqeydliyi yaradır. (Bu “qoyun sözü bir vaxtlar hap-gopla bar-bar bağırdığımız bir-birinin ətini yeyən Ağqoyunlu, Qaraqoyunlu dövlətlərini yada salırdısa, indi Jirinovski göz önünə gəlir.)

Suallı üzlər o üzlərin sahibidirlər ki, özləri də sual işarəsinə oxşayırlar. Və hər şeyi öyrənmək istəsələr də, heç nədən doğru-dürüst xəbərləri yoxdur. Yaxud, bilirlər, amma bilə-bilə soruşurlar.

Heyrətli üz sahibləri isə içlərini çəkə-çəkə heyrətlənir, elə hər mənada boşalırlar. Bir də nəvaxt dolacaqları məlum olmaz.

Qoyunlar isə... Bunlar lap çoxdular. O qədər çox ki, sallaqxanalar yetirib kəsib qurtara bilmir. Qurbanlıq günlərində elə küçə-bacadaca kəsir, leşini-başını hara gəldi atırlar...

Sual işarələrinə muştuluq: N!DA-çı gənclərə 60-dan bir kəm iş verdilər! Heç gözünüz aydın olmasın!

Heyrətlənənlərə heyrətli bir mesaj: daha heyrətlənə bilməyəcəksiniz. İndidən necə boşalacağınızın dərdini çəkin.

Qoyunlara heç sözüm yoxdur. Sizi tapşırdım o sahibinizə. O bilər, siz bilərsiniz...

Qaldıq biz – N!DA-çılar və mən. Onların da hərəsi bir ordu olan 8 nəfərini saldılar içəri. Özü də üst-üstə 59 il iş verdilər.

Ayrı nəyə gücüm çatır ki? Üzümü N!DA-nın rəhbərlərinə tuturam: məni də sıranıza yazın. Baxmayın o uşaqların üst-üstə aldıqları iş qədər yaşım var. Qələmim hələ işləyir. Karınıza gələrəm.

 

Yazıdakı fikirlər müəllifin şəxsi fikirləridir və sadəcə müəllif məsuliyyət daşıyır.

Qiymət 4.33/5 (86.666666666667%) (3 səs)

Digər xəbərlər

Yeni səslər - Əfran Əsgəroğlu

Rəzalət

Namiq Hüseynov. "Aclıq"

Günel Şamilqızı. Şeirlər.

“On bir gecə” barədə on bir abzas

Şərhlər