![Rasim Qaraca. Ədəbiyyatın cazibəsi. Rasim Qaraca. Ədəbiyyatın cazibəsi.](/media/uploads/news/307202027161511427.jpg)
Rasim Qaraca. Ədəbiyyatın cazibəsi.
10-08-2024
10-08-2024
27-07-2024
Atalıq Cəhənnəmə Çevrilsə…
Müəllif: Bryan Ward (Third Way Man)
Tərcümə: Kəpəz Pənahlı
Bir oxucunun mail`indən:
"Son zamanlar qızlarımızla çox çətin dövr keçiririk - iş o yerə gəlib çatıb ki, hər ikimiz də etiraf edirik ki, əgər keçmişə qayıtmaq və qərarları dəyişmək imkanımız olsa idi, valideyn olmaq istəməzdik. Çətindr bilirəm amma onlar bizə hələ də əzizdirlər və mənim üçün gələcək mail`ində bu duruma yanaşmanız ilə bağlı fikirlərinizi duymaq çox maraqlı olardı".
Başqa sözlə, qəlbinin artıq övladlarına qarşı "qaralmağa" başladığını hiss edəcək qədər davamlı olaraq atalıq problemlərinə qərq olsan nə edərsən?
Onların başındakı gənclik yelləri sənin məşəl işığını üfürüb söndürərkən sən onların yolunu necə aydınlada bilərsən?
Mən psixiyatr deyiləm. Və sənin ayaqqabıların ilə uzun yollar qət etməyin nə kimi hiss olduğunu bildiyimi də iddia eləmirəm. Lakin dörd qız atası kimi bunları deyə bilərəm:
*Sən mərhəmətsiz bir əclaf deyilsən. Düzdür, uşaqlarının heç dünyaya gəlməmiş olmasını arzulamaq zibil bir şeydir. Amma vəziyyətin zatən qəlizliyini qəbullanmışkən özünü günah və mühəkimə ağırlığı ilə yükləmə. Sənin etməli olduğun bir iş var - hansı ki, bu zibilə qalmış vəziyyət ancaq o zaman qaydasına düşəcək.
*Bu müvəqqətidir. Bu qaranlıq uzun sürəcəkmiş kimi davranma. Həyat təkrarlanmır və davamlı olaraq da hərəkətdədir. Heç nə olduğu kimi qalmır - daha yaxşı və ya daha da pis olacaq. Siz, qızlarınız dəyişəcəksiniz, həyat özü sizi silkələyəcək. Davam elə, ədən düşmə.
*Bu səndən asılıdır. Bu vəziyyətdən kimsə sənin qədər agah ola bilməz. Sən kişisən, bu o deməkdir ki, sən ilk addımı atansan. Qızların isə buna görə hərəkət edəcəklər. İstər ədalətli olsun istərsə də yox onlar sənin hərəkətini güdürlər. Və SƏN bu gedişatı pozub, zeytun budağını (sülhün rəmzi. tərc:) tapıb, yeni ailə gerçəklilərini yarada biləcək durumdasan.
*Yaxanı kənara çəkmə. Hər ata bu cür - tək çarənin bu öhdəliyi davam etdirmək olduğu - bir dönəm keçirir. Lakin orada dayanma. Həyat enerjini son nöqtəyədək sərf et. Daha çox səy göstər: sevinclə özünü yeniləməyin, sistemini şoka salmağın yollarını axtar.
*Onları öz başına buraxma. "Yeniyetmələri tək başına buraxmaq" barədə çox sayda zibilə qalmış məsləhətlər var. Nəticə olaraq övladlar ilə valideynlər talehlərindəki bu yadlaşmağa "belə də olmalı imiş" kimi baxırlar. Zibilə qalsın! Qızlarının sənə ehtiyyacı var. Onlar səni sevirlər. Hətta bunu sənə izah edə bilməsələr, bu sənə bəlli olmasa belə onlar səni həyatlarında görmək istəyirlər.
Sənin bu dəlilik ilə, qəzəbli hisslər ilə, zibilə qalmış məntiqsizlik qasırğası ilə, qanlı sözlərlə, işgəncə ilə başa çıxmağın üçün cəsarətin və inamın olmalıdır. Bütün bu illər ərzində sevginin onların qəlbində cəmləndiyinə, bir növ sərmayə halına gəldiyinə və itmədiyinə ya boşa xərclənmədiyinə... həmlələri, tərəddüdləri, kinləri, laqeydlikləri və ya səni ümidsizliyə aparan nə varsa hamısının əslində sənə onların arxasınca getməyin, özbaşlarına olarkən yardım əlini uzatmağın, yaşıdlarının bu qəddar, kortəbii və bütün mühakimələrinin özü ilə gəldiyi dünyası ilə müqayisədə daha gözəl, böyük və ümid ilə dolu bir həyatları olmasına dair bir istinad nöqtəsi vərməyin üçün elədikləri yalvarışın, xahişin görünməz şəkildə maskalandığına inanaraq bu işin üstünə düşməlisən.
Uşaqlarınla birgə keçirdiyin xeyli illərin var.
Əgər onlar relsdən çıxsalar...
Əgər qəlbinin yenidən onlara qarşı qapandığını hiss etsən...
Zibilə qalmış əngəlləri kənara at.
Üç bel çantası al və Apalaş turuna çıx.
Onları Hindistana apar.
Onları sahildə rolik sürməyə apar.
Death Metal konsertinə get, ona T-şört al.
Yaranan əlaqə, üzə çıxan imkanlar ona özünü fərqli sferadan görməyə kömək etməlidir.
O özü-özünə bacarmadıqda onun üçün onun həyatında yeni imkanlar sahəsi yaradacaq və o sahəni əldə tutacaq gücü tapmalısan.
Yaxşı olacaq deyərkən daha pis də ola bilər. Və heç zaman ən yaxşı olacaq deyə bir şey də yoxdur.
Əgər sən bütün gücünlə və təxəyyülündəki ən yaxşı şəkildə onları sevsən və bunu biruzə versən, daha sonra nə baş verəcəyinin əhəmiyyəti olmaz, çünki biləcəksən ki, onları semək üçün bacardığın hər şeyi artıqlaması ilə edibsən.
Müəllif: Bryan Ward (Third Way Man)
Tərcümə: Kəpəz Pənahlı
Bir oxucunun mail`in">