Billy Collins. Dör aylı planet. şeirlər Şeir

  • 29-04-2016 11:00
  • 40843 baxış
  • şərh
  • ,

Billy Collins. Dör aylı planet. şeirlər

Dördaylı Planet.

“Dördaylı planetlərə həsəd aparıram” – Robert Frost

  

Bəlkə o “bir azca ay işığı nə edərdi” mahnısını xatırlayıb

düşünüb ki, o zaman çoxlu ay işığı nələr edə bilərdi

 

Ancaq bu həddindən ziyadə dərəcədə

 yaxşı bir şey olmazdımı

 onları bir-birindən necə ayırardın

 yaxud dördü də birdən otağında görünsəydilər neynərdin

 

 Bəli, gecəyarısı kitab oxumağa

hətta məktub yazmağa belə çoxlu işıq olardı

və əgər bir azca da tekila içsəydin

onlardan səkkizinin göydə süzdüyünü görərdin

 

Amma bir bunu da düşün:

iki sevgili

dənizin kənarında oturublar

oğlan əlini qızın açıq çiyninə qoyub

bu qədər yaxın olmalarından məsuddurlar

amma oğlan bir aya baxır

qız başqa bir aya

 

İT ÖZ SAHİBİNƏ

 

 Mən ondan cavan olsam da

 ondan daha sürətlə qocalıram

 yeddinin birə nisbətində

 deyilənlərə görə

 

 nisbət neçə olursa olsun

 bir gün ondan irəli keçib

 liderliyi ələ alacam

 meşədə gəzdiyimizdə etdiyim kimi

 

 və əgər bu nə vaxtsa

 onun aglından keçəcəksə

 onda bu mənim

 qar üzərinə yaxud ot üzərinə saldığım

 ən şirin kölgəm olacaq

 

 

 

 

 

 

 

İngilis dilindən tərcümə: Azər Əhmədov

 

 

 

 

 

 

Qiymət 3/5 (60%) (2 səs)

Digər xəbərlər

POLİNA BARSKOVA. ŞAİR ÖLDÜ

Rövşən Yerfi. Xalq Yazıçısı. Hekayə

İsmaEl T. Damazlıq qızın hekayəti : Məğlubların əsarəti. Esse

Gənc aktyorun yaşlı aktyora rişxəndi

Tove Yansson. Sehirli Qış. y e n i k i t a b

Şərhlər