Nicat Həşimzadə. Gündəyməz yazarlar Ədəbi mühit

Nicat Həşimzadə. Gündəyməz yazarlar


Azərbaycan cəmiyyəti gündəyməz yazarlarla zəngindir. Məmləkətin əzabları onların münasib yerini yandırmayıb. Bu səbəbdən dolayı pafoslu şeirlər yazaraq Vətənşüvənliklərini ifadə edirlər. Azərbaycan yazıçılarını fikir formalaşdıra, yeni ideya yarada, milli təfəkkürü dəyişdirə bilmədiklərinə görə tənqid edirlər. Yazarını aclıqdan gəbərdən xalqın ciddi ədəbiyyat tələb etməsi gülüncdür. Sadə insan sosial şəbəkələrdə Ermənistan prezidentinin fotosunu paylaşıb altında təhqirdolu kommentlər yazırsa bunu bəlkə də anlamaq olar. Lakin yaradıcı insanın, zəka sahibinin düşməni virtual aləmdə söyməsi sadəcə özünü göstərməkdir. Yazıçı öz fikirini aforizm hesab edirsə bu , hansı məntiqə sığır ? Azərbaycan ədəbiyyatı hələ də dedi, söylədi, bildirdi, ifadə etdi, söylədi kimi fikirlərdən xilas ola bilməyib. Azərbaycan ədəbiyyatında normal dialoq görmək çox çətindir. Bu qədər ciddi sosial problemləri olan məmləkətdə bu qədər duyğu şairinin olması fəlakətdir . Biz tərifə uyan xalqıq. Dünyanın ən gözəl dağları, ən gözəl qadınları, ən ləyaqətli kişiləri , ən mükəmməl musiqi Azərbaycan xalqına məxsusdur. (Yalançının məntiqini sevim) Təriflərlə beynimizi yuyublar. Xalqımız heç zaman özü olmağı bacarmayıb. Azərbaycan Yazıçılar Birliyi ədəbiyyatımızı elə gərgin durumlara salıb ki, bu ölümsüzlüyü məhv etmək üçün Anar qədər yaşamaq lazımdır . Bir gənc yazar kimi AYB – yə təşəkkür edirəm. Bu ədəbiyaşar qurum sübut etdi ki, qəssab, məmur, aşpaz, manıs - bir sözlə bütün peşə sahibləri yazıçı ola bilər. Bir gənc yazar üçün bundan daha üstün stimul ola bilməz. Ədəbiyatımız şablon mövzularla zəngindir. Nə zamana qədər sevgidən, ayrılıqdan yazacaqlar. Sevgilisindən ayrılmısan, belə lap əcəb olub. Mənə nə sənin sevgindən, sənin qadın çatışmazlığından ? Fiziki qüsuru olan insanlar 67 manat dövlət təqaüdü alır, TOPAZ lar gənclərimizi çürüdür, manıslarımız xalq təfəkkürünü yuyur, banklar insanları inək zənn edib sağırlar. Hakimiyyət ikiayaqlı işgəncədir. O xalqda təfəkkür formalaşdırmaq istəmir. Muğam narkodalğadır, insan beyninin hüceyrələrini dağıtmaqla məşğuldur.
Azərbaycan ədəbiyyatında ideya çatmır. Konkret olaraq bir ideologiyaya xidmət edən yazar tapmaq çətindir. Bu ölkədə duyğu şeirləri, eşq romanları oxunur. İnsanlar ciddi – intelektual ədəbiyyatdan qaçırlar. Elə yazar var ki, bir oxucudan daha az oxuyur. Mütaliə etmədən hər kəs yazmaq istəyir. Zori Balayanın yazdığı “ Ocaq ” kitabı erməni xalqında vahid təfəkkür yaratdı. Azərbaycanda elə bir ziyalı yoxdur ki, bir kitab yazmaqla bütün xalqın təfəkkürü dəyişdirə , vahid ideologiya yarada bilsin. Prezident təqaüdləri nə üçün ancaq AYB üzvlərinə verilir ? Onda gərək bu söz birləşməsinin qarşısındakı prezident sözü ləğv olunsun, hətta prezident seçkilərində iştirak etməyib hazırki prezidentə səs verməsəm belə, cənab prezident həm də mənim vətəndaşım olduğum dövlətin prezidentidir. Seçkilərə heç zaman inanmamışam. Səbəb bizim ölkə deyil. Ümumiyyətlə inanmıram. Norveçdə, İsveçdə yaşasaydım yenə də inanmazdım. Gənc yazar kimi mənə niyə təqaüd verilmir. AYO üzvü olduğum üçün?
Cəsarətli yazarımız çox azdır, döyülməkdən, həbs edilməkdən qorxurlar. AYB gənc xanım yazarlara böyük dəstək verir. Ağsaqqal düşük kişilər , özlərini yazıçı zənn edənlər seksual görünüşlü şairələrə ata qayğısıyla yanaşıb sonra da Don Juanlıq edirlər .
Bütün dünyada belədir hakimiyyət yalnız onun rejimini dəstəkləyən ədəbiyyata qayğı göstərir. Başqa səbəblər axtarmaq lazım deyil . Ümidsiz olmaq da lazım deyil. İnsan hər şeyə qadirdir, tarix bunu dəfələrlə sübut edib .

Qiymət 4.5/5 (90%) (6 səs)

Digər xəbərlər

Büertran Rassel. SKEPTİSİZMİN ƏHƏMİYYƏTİNƏ DAİR

A.P.Çexov. SEVİNC (hekayə)

Səkinə Qərib. QUM KİMİ SÜZÜLÜB GEDƏN. hekayə

Əlirza Bəxşi (Ərdəbil). Şeirlər

Pargiter 1962:2

Şərhlər