Səkinə Qərib. 2 ŞEİR Şeir

  • 05-03-2015 01:10
  • 58963 baxış
  • şərh
  • ,

Səkinə Qərib. 2 ŞEİR

HEYY, YAXŞI İNSANLAR

Yaxşı insanlar ölmürlər,
Küsüb gedirlər dünyadan, insanlardan,
Allahdan uzaqlaşıb gedirlər...
Yaxşı insanlar ölmürlər,
Yumruqlarını sıxıb dil-dodaqlarını dişləyirlər əsəbləşəndə,
Qəlb qırmamaq üçün çox oldu əllərinə keçəni qırdıqları...
Yaxşı insanlar ölmürlər,
Küsüb gedirlər vicdansızlardan, idbarlardan-allahdan...
Yaxşı insanlar ölməsin deyə,
Abidələr ucaldaq,
Yiyəsiz bir iti yemləyən,
Küçə pişiyiklərini bir sığalla sevindirən,
Ya da sonuncu qəpiyini dilənçiyə verib evə əliboş qayıdan
Bir ADAM abidəsi....

 

BALACA PİŞİK

Hey, balaca pişik,
Sənə qara deyib qovdular,
Bilmədilər bilmədiyini...
Qara olduğunu bilməməkdi,
Rəngindi gunahın,
Qara balaca pişik...
Halbuki “iyiler siyah giyer”
Demişdi Almora...
Tüpürüb qovdular səni,
Balaca pişik...
Halbuki istəklərin eyniydi
Qara “geyməyən” pişiklərlə,
Elə sən də qaçırsan yuvarlanan bir yumağın arxasıyca...

Qiymət 5/5 (100%) (3 səs)

Digər xəbərlər

Bir fotonun tarixçəsi

Çingiz Sultansoy. Yoqaya aparan yolum

İsmaEl T. Damazlıq qızın hekayəti : Məğlubların əsarəti. Esse

Stiven Kreyn. Şeirlər.

Marqaret Atvud`la müsahibə

Şərhlər