Ürəyimin qanıydı, süzülüb gözlərimdən gəlirdi Şeir

  • GünEl Treu
  • 20-07-2014 14:05
  • 90320 baxış
  • şərh
  • ,

Ürəyimin qanıydı, süzülüb gözlərimdən gəlirdi

Mən sən deyən olmadım...

ürəyim yanır, ana
baxma gözlərimin içinə, qorxuram
birdən görərsən ürəyimin yarasın,
çətin ürəyin dayana
mən sən deyən olmadım, ana.
mən mümkünsüzü sevdim
əlimin catmadığı,
səsimin yetmədiyi birini...
mən sən deyən olmadım, ana.

mən sən deyən olmadım, ana.
sən məni ağ geyimdə gördün xəyallarında
ama mənsə...
mən o arzuların üstündə rəqs etdim,
oynadım hislərinlə, ana
oynadım sənlə.
bağışla məni,
bağışla mümkünsə!
sən məni hec ağlayan görmədin, ana
göstərmədim sənə gözümün yaşını.
ürəyimin qanıydı hamsı,
süzülüb gözlərimdən gəlirdi.
dözməzdi ürəyin, ana
baxma gözlərimin icinə,
mən xəyanət etdim
sənin arzularına.

mən sən deyən olmadım, ana.
sən otağımın qapısın açdın, 
mən yastığımın altında gizlətdim
ağlayan gözümü,
gizlətdim üzümü səndən.
mənim hıcqırıqlarım 
yastığımın altında qaldı, 
arzularım kimi...
mən sən deyən olmadım, ana
mən sən deyən olmadım.

Qiymət 5/5 (100%) (2 səs)

Digər xəbərlər

Səkinə Qərib. "Uzaq"

Tanrıverdi Nağıyev. Şeirlər

Şəhla Nihan. O YOL. esse

Rüfət Əhmədzadə ilə müsahibə

Marqaret Atvud`la müsahibə

Şərhlər