Nasır Mənzuri Bakıda Ədəbi mühit

  • İzolda Ağayeva
  • 11-06-2014 12:58
  • 52051 baxış
  • şərh
  • ,

Nasır Mənzuri Bakıda

Bu günlərdə Güney Azərbaycandan olan yazıçı Nasır Mənzuri Bakıya səfər edib və burada yazıçı həmkarlarıyla görüşüb. Türk dilinin fonetik strukturu və bunun etimologiyada tətbiqinə dair özünəməxsus nəzəriyyəsi olan, bu mövzuda ingilis, fars və türk dillərində kitabları nəşr olunan N.Mənzuru həm də ana dilində yazdığı qiymətli romanların müəllifidir. Azərbaycan Elmlər Akademiyasında Cənubi Ədəbiyyat şöbəsinin araşdırmaçı alimləriylə görüşündə Nasır bəy özünün dil nəzəriyyəyinin özəlliklərindən danışıb. Görüşdə iştirak edən tənqidçi-alim Rəhim Əliyevin sözlərinə istər Nasır Mənzurinin bədii yaradıcılığı, istərsə elmi yaradıcılığı son dərəcə özünəməxsusdur, Azərbaycan ədəbiyyatı və elmində yenilikdir. Bakıda olarkən Nasır Mənzuri yazıçı dostlarıyla da görüşüb, buradakı ədəbiyyat prosesilə və yeni çıxan kitablarla tanış olub.
Mənzuri 1953-cü ildə Cənubi Azərbaycanın Miyanə şəhərində anadan olub. 4 yaşında bu şəhərdən ayrılan yazıçı 21 il ərzində 15 məktəb və universitetdə təhsil almalı olub. Özünün dediyinə görə, o, bu nəticə ilə ən çox məktəb dəyişmək üzrə rekord göstəriciyə sahibdir.
N.Mənzurinin yaradıcılığı iki istiqamətdə davam edir. Hazırda o, həm dilçilik, həm də yazıçılıqla məşğuldur. Yazıçı öz əsərlərini 3 dildə, Azərbaycan, fars, ingilis dillərinə yazır. Yazarın bəzi əsərləri "Azərbaycan" jurnalı, "Alatoran" jurnalı kimi ədəbiyyat dərgilərində də çap olunub.
"Qaraçuxa" romanı Alatoran Yayınlarında çapa hazırlanır.

Qiymət 4.5/5 (90%) (2 səs)

Digər xəbərlər

Sona Yaqubova. Kimdir müqəssir?

Gözəgörünməz müşhadəçi Pol Boulz

Əziz Nesin. Əsnəyən insanların ölkəsi. Hekayə

Nikkolo Makiavelli - Evlənən şeytan

Manıslar kitabları yeyir

Şərhlər