Fərdlər hər şəraitdə qorxularından xilas olmağı bacarmalıdır Gündəm

Fərdlər hər şəraitdə qorxularından xilas olmağı bacarmalıdır

“Fərdlər hər şəraitdə qorxularından xilas olmağı bacarmalıdır“

Tanınmış rus rejissoru Aleksandr Sokurovla müsahibə 

 

Aleksandr Sokurov beynəlxalq festivallar mükafatçısı və müasir müəllif kinosunun tanınmış   nümayəndələrindəndir. Bu müsahibəni rejissor İTAR-TASS agentliyinə verib  

 

-          Cənab Sokurov, doğurdanmı hər şey pisdi?           

-          Bizim problem mədəni səviyyəmizin xeyli aşağı düşməsidir. Sankt-Peterburq da daxil olmaqla əksər yerlərdə çox tədbirin keçirilməsinə qarşı vandalizm və qeyri-adi reaksiya olacaq.

 

 

-          Bəs incəsənətə meyllənən gəncləri görürsünüzmü?

-          Valideynləri kimi onların çoxu da primitiv dünyagörünüşünə sahidir. Çoxlarının gözü və qəlbi bağlıdır. Onlar üçün maddiyyat böyük mədəniyyətdən daha vacibdir. İnsanlara indi yaşamaq daha ağırdır. Ona görə də onların xətalarını üzlərinə demək çox şeyi dəyişmir.

 

 

-          Sizcə, Rusiyadakı həyat səviyyəsinin aşağı olması mədəni səviyyəyə də təsir göstərir?

-          Təəssüflər olsun ki, bəli. Ətrafımdakı xeyli insanın övladları normal təhsil ala bilmir. Hesab edirəm ki, pullu təhsil orta sinfin həyatına ciddi təsir göstərir.

 

 

 

-          Düşünmək olarmı ki, bunların hamısı mütaliyəni azaldır?

-          Mənim düşüncəm belədir ki, mütaliyə etmək istəyənə kimsə mane olmur. Bu daxili tələbatla bağlıdır.

 

 

-          Mütaliəli, düşüncəli, informasiya axınında olan adama münasibət zəhlətökən deyilmi?

-          Əgər oxuyan, düşünən adamdırsa bu axında o daxili enerji və zövqünü qoruyacaq.

 

 

-          İnsanların diqqətini cəlb etmək üçün parlaq şüarlar və reklamlardan əlavə nəyə gərək var?

-          Parlaq şüarlar, reklamlar cəlbedicidir. Fərdlər hər şəraitdə qorxularından xilas olmağı bacarmalıdır

 

 

-          Son illər övladlar və valideynlər arasında mənəvi bağlarda problemlər var.

-          Səbəblər əlbəttə ki, çoxdur. Həyatımız sistemli şəkildə dəyişib. Hazırda ailələr övladları üzərində dominant deyil. Gənclər çox aqressiv, məişət sinizminə meyllidirlər. Misal üçün Qafqaz xalqları kişilərində olan cəsurluq və məğrurluq demək olar itib. Təhsil müəssisələrində isə ümumi seqmentə uymayan tapşırıq və məqsədlər var.

 

 

-          Kino barədə danışsaq, nələr dəyişib? Özünü ifadə etmək üçün onun rolu necə ola bilər?

-          Kinoda ən radikal və ən əsas yeni şey müəllif ola bilər. Kino incəsənətin xüsusi bir növüdür, burada istedadlar işləyəcəksə alınacaq, olmasa heç nə alınmayacaq.

 

 

-          İntellektual kinoda 3D effektinin yerini necə görürsünüz?

-          Bilmirəm. Məncə, hər bir rejissorun öz yozumu olmalıdır. O bu effekti necə qəbul edir. Hələ ki, hamı təcrübə mərhələsindədir. O çox bahalıdır, nəticəsi isə görünmür.

 

 

-          Kinoteatrda filmə baxmaq mütləqdir?

-          Komputer ekranı və ya digər texniki vasitədə baxmaqla vizual estetika alınmayacaq. Bədii film böyük ekranda izlənməlidir. Düzdür, hazırda ekranları böyük ev kinoteatrları var lakin bu tam effekt vermir.

 

 

 

-          İnternetdə istənilən filmə baxmaq imkanını necə dəyərləndirirsiz? Bu yaradıcı əməyin aşağılanması deyilmi?

-          Mən bütün dünyada və internetdə filmləri izlənilən rejissoram, bunlara iradım yoxdur. Kimə maraqlıdır izləsin. Düşünürəm ki, incəsənət əlçatan olmalıdır. Ancaq bunun ticari tərəfləri necə həll olunmalıdır dünya hələ də tapmayıb.

 

 

-          Niyə ciddi kino telekanallara lazım deyil?

-          Bu televiziya çinovniklərinin siyasətidir. Onlar elə bilir ki, ən yaxşısını bilirlər. (gülür)

 

 

-          Film üzərində işləyərkən festivallar və ya idealarınızın reallaşmasını daha çox düşünürsüz?

-          Festivallar müəllif filmlərinin inkişafına böyük təsir göstərir. Tamaşaçılara və kinoteatrlara çatmasına şərait yaradır. O ki qaldı sualın ikinci hissəsinə film üzərində işləyərkən mən yalnız film haqqında düşünürəm.

 

Çevirdi: Elimdar Süleymansoy

Qiymət 0/5 (0%) (0 səs)

Digər xəbərlər

İlk sevgiyə də burda şahidlik eləmişdim...

Rafiq Tağı. MİRZƏ CƏLİLLƏ AYRILIQ MƏQAMI

Elif Şafak. Gənc olmaq müxalif olmaq deməkdir

Səkinə Qərib. Yeni şeirlər.

Litsey uşağından vətəndaş olmadı

Şərhlər