Bir öpüşün tarixçəsi Şeir

Bir öpüşün tarixçəsi

Şair və həkim Qalib Şəfahət yeni şeirlərini literaz.com-a göndərdi. Qalib Şəfahətin indiyə qədər bir neçə şeirlər kitabı çapdan çıxıb. Sonuncu dəfə Alatoran nəşriyyatından "Əllərindəki göyüzü" kitabı şeirlər kitabı çıxıb.

DODAĞIM QAYSAQLAYIR

Bahar idi onda,
Mən onu sevəndə…
Qaranlıq idi,
Bir-birimizə sarılıb,
Öpüşəndə…
O qədər öpüşmüşdük,..
Dodağımız qaysaqlamışdı.
Utanırdım, kimsə
“Dodağına nə olub?”- deyəndə.
Baharda mühit dəyişkənliyi olur
Deyərdim.
Indi o yoxdur.
Mühit dəyişkənliyi olur,
Dodağım qaysaqlayır.
Yenə bahar gələndə,
Hava qaralıb-
Qaranlıq düşəndə,
Yenə də…

QAÇIB GETDİM ÖZÜMDƏN
Qəfil, elə bir anda
Qaçib getdim özümdən.
Ürəyimin qapısını,
Açıb getdim özümdən.

Görən olmadı məni,
Yaxşi ki görmədilər.
Yoluma söhbət-sözdən
Nə hasar hörmədilər.

Bir vaxt görəcəklər ki,
Heç yerimdə yoxam mən.
Heç kəs məni görməyir,
Hamını görən, baxan mən.

Soruşmadım özümdən,
Söylə yolun haradı.
Sən arzuladığın yer,
Bəlkə elə buradı.

Yox-yox yolum başqadı,
Heç bilməsin özüm də.
Qəlbimdə ağrı duyar,
Kədər görər gözümdə.

Qismətimə çıxıbdı,
Bu yol, bu ərkan mənim.
Bu yol haqqın yoludur,
Bu yer, bu məkan mənim.

Qiymət 1.33/5 (26.666666666667%) (3 səs)

Digər xəbərlər

Fərhad Yalquzaq. Pişik Balası. (hekayə)

Sizlərə yalnız həqiqəti yazmağı tövsiyyə etmişdim...

ZEYNƏB RZA. ESSE

Kolbasa sexlərinə gedən it leşləri

Milli biganəlik xəstəliyi ADP haqqında nə bilirsiniz?

Şərhlər