Cavidan Mirzəzadə 18 yaşındadır. Mədəniyyət və İncəsənət Univerisitetində oxuyur, şeir yazmağa yeni başlayıb. Onun şeirlərini təqdim edirik.

Gec gəlib tez gedən məhəbbətimiz..

İndi özgəninsən çox qəribədir,
Ayrılıq sevgimin yolunu kəsdi.
Peşiman olmağın mənası nədir?
Axan göz yaşların daha əbəsdi..
Bir anda aralı düşdü qəlbimiz..
Gec gəlib ,tez gedən məhəbbətimiz..

O vaxtki eşitdim nişanlanmısan,
Çökdü gözlərimə zülmət , qaranlıq.
Birgə keçirdiymiz hər saat , hər an
Gözümün önündən keçdi bir anlıq..
Anladım heç imiş o günlərimiz..
Gec gəlib tez gedən məhəbbətimiz..

Dünən toyun idi ,güldün, sevindin,
Kövrəlib bəzən də daldın xəyala,
Bəlkə anlamadın , bəlkə də bildin,
Çalınan vağzalı sədalarıyla
Torpağa gömüldü bizim sevgimiz..
Gec gəlib tez gedən məhəbbətimiz

Bəlkə heç bu sevgi olmamalıydı
Bəlkə doğulmamış boğaydım onu
Bəlkə də yarımçıq qalmamalıydı
Kaş bu hekayənin olaydı sonu
Vaxtsız qurtarmazdı fəsillərimiz...
Gec gəlib tez gedən məhəbbətimiz

Sevgimiz həyatda sona çatsa da
Xatirəm qəlbində sona çatmasın.
Son nəfəsinədək bu eşq bu sevda
Ən böyük arzumdur unudulmasın
Dillərdə dolaşsın bu əfsanəmiz
Gec gəlib tez gedən məhəbbətimiz

Mən səni unuda bilməyəcəyəm…

Məni öldürən bu sevgin olacaq
Mən öz əcəlimlə ölməyəcəyəm
Məni unutsan da , unutma ancaq
Mən səni unuda bilməyəcəyəm

Dünyaya gəlməyə şans olsa yenə
Sən olan dünyaya gəlməyəcəyəm
Çünki o ikinci ömrümdə yenə
Mən səni unuda bilməyəcəyəm

Yolunda nə qədər çəkdim qəm kədər
Sevgidə bir daha gülməyəcəyəm
Sonuncu nəfəsi verənə qədər
Mən səni unuda bilməyəcəyəm

Vağzalı çalındı ağladın yenə
Axan göz yaşını silməyəcəyəm
Göz yaşların sanki söylədi mənə:
Mən səni unuda bilməyəcəyəm

• 1
• 2
• 3
• 4
• 5