Məsumə Əhədova. Şeirlər Şeir

  • 01-06-2016 08:56
  • 87557 baxış
  • şərh
  • ,

Məsumə Əhədova. Şeirlər

Məsumə Əhədova

şeirlər

 

İmtina

Mən
arzulardan yorğun düşüb
can atdığımı unudunca,
gözləməyi buraxınca
yetəcəkdim muradıma.
Çoxdan getmiş,
izim də soyumuşkən
şövqüm itmiş,
ehtirasım ölmüşkən
gələcəkdi kişilər və qadınlar
qapılar taybatay.
Alacaqdım həyatıma
gecikmiş sevinclərimi
yerlərini bədbəxtlik tutmuş olsa da.

Həyat-
qazanmaq ehtimalı aşağı qumar,
həvəslərdən imtina,
xəyallardan intihar.

İndi mən sağ əlim havada – salamım alınmamış,
insansız evlər,
üzümə çırpılmış qapı,
cavabsız məktub, küləksiz saç,
qollarına qarğalar qonmuş qorxuluq,
İnananı qalmamış Tanrıların yoxluğu.

Hər şeyin öz vaxtı varsa,
zamanın harasındayam?
Nəyisə çox istəyincə
daha da uzaqlaşırsa,
neçə imtina gərəkdir
mənzilə çatmağıma?
Məni hara aparacaq
yalınayaq bir həvəslə
addım atdığım yollar?

 

Bu gün (Məni ən son sevdiyin yer)

Yenə yerindəsən – uzağımda
mən isə
İslam Səfərli küçəsində
ətrafımda rəqs edən insanlar
üzümdə süst ifadə
Məni ən son sevdiyin yerdəyəm.
Çoxmu vecsiz görünürəm kənardan
özümə hökm oxuyarkən içimdə?
(Xəyalpərəsti gilyotinə!)

Yenə yerindəsən,
mən isə
səni sevdiyim küçələrdə-
Keçib Fəvvarələrdən
qarışıram Nizamidə kütləyə.
Nə çox kişi var, nə çox başağrısı?
nə çox cütlük – neçəsi ayrılacaq?
nə çox hüzn var, nə çox hekayə,
nə az səbəb var tutunmağa,
nə çox mən var
hər döngədə yükünü atıb qaçan öz yuvasına?

Yenə yerindəsən,
mən isə
səni son sevdiyim yerə çatıram.
Xatırlamaq lənətimdir
Mən unutsam,
bu küçənin,
bu masanın,
bu fincanın öz yaddaşı var.
Sən də bir mən saxla xatirində
əbədiyyən gözləyən
Nəsiminin yanında,
dağıntılar arasında bir Natəvan.

Yenə yerindəsən,
mən isə
səni son sevdiyim yerdə.
Bilirdim,
quraq torpaqlara toxum əkdiyimi
meyvəsini gözləmirdim.
Sevirdim-
İcazə verdiyin qədər
artığını atırdım.

Qiymət 5/5 (100%) (4 səs)
Məsumə Əhədova

şeirlər

 

İmtina

Mən
arz">

Digər xəbərlər

A.P.Çexov "BÖHTAN" (hekayə)

RASİM QARACA Kənd yazarları, şəhər yazarları. f e l y e t o n

Çingiz Sultansoy. 102 ilin xatirəsi

Səkinə Qərib. Şeirlər

Firudin Həsənov. SİMULYASİYA. (hekayə)

Şərhlər