Tural Quldan bir şeir. DİZ ÇÖKMÜŞ GECƏLƏR Şeir

  • 07-07-2015 00:10
  • 41202 baxış
  • şərh
  • ,

Tural Quldan bir şeir. DİZ ÇÖKMÜŞ GECƏLƏR

DİZ ÇÖKMÜŞ GECƏLƏR

 

Tutulub gözümdən baxan insanın

Göz qapaqları.

Diz çöküb dizimə lal gecələrim dil axtarır,

Kar gecələrim söz axtarır.

Kor gecələrim tutub əllərimdən

Bir yarımçıq Ay axtarır.

 

Saymaqla bitmir bu insanın arzuları.

Bu gecələr səssizliyi gündüzlərə göndərdikcə,

Dərdsizliyi gündüzlərə göndərdikcə,

Bir ölümsüz məhəbbətə söz verdikcə,

Gündüzlərim ümidsizlik qapısında

Bir parçalıq pay axtarır.

 

Bu tərsliyin gözlərinə baxa-baxa yalvarıram.

Gah qırılan gözlərimə təslimiyyətim,

Gah yol alan gözlərimdən bir qətrəlik

İnayətim deyil sənə bu gecələr.

Bu gecələr diz çökərək

Bir Günəşin qarşısında söz verəcək...

 

Qiymət 0/5 (0%) (0 səs)

Digər xəbərlər

Şıq geyimli bir əclaf

R.Qaraca. Müsahibə

Jalə Əsgərova. “Mənim həyatımı yaz” r e s e n z i y a

ILQAR TAĞI. EROTİK HEKAYƏ

Fərid Əhmədov. Nə üçün geridə qalırıq. Esse

Şərhlər