Səkinə Qərib. YENI ŞEIRLER Şeir

  • 04-02-2015 22:09
  • 54104 baxış
  • şərh
  • ,

Səkinə Qərib. YENI ŞEIRLER

SƏKİNƏDƏN YENİ ŞEİRLƏR

 

Nolar, allah baba, öldürmə balaca uşaqları...
Kəfən nazik, soyuq torpağın altında xəstələnir onlar..
cənnəti anlayacaq yaşa çatmadılar ki,
bir-iki gəlincik, top, masanın altına sığışa biləcək qədər evcik istəyirlər,
bir də
yorulub yatanda,
gecənin qaranlığında
analarına sığınmaq...

*

Daha çox da darıxmıram, biləsən...

Məsələn, atamın ağ saçları kimi
ağrıtmırsan ürəyimi
Eləcə içimi gizildədir xatirən...
Balaca əlini açıb dilənən uşaqlar kimi
ağrıtmırsan ürəyimi,
amma şəkillərinə baxa bilmirəm cəsarət toplayıb...
Anamın gecələr xısın-xısın ağlamağı kimi
ağrıtmırsan ürəyimi, amma
adını eşidəndə
gizlənirəm aynalardan...

*

Bu nömrəyə zəng çatmır,
Telefon ya söndürülüb, ya da...
Bilmirəm...
Bir küçə pişiyini qucaqlayıb oturmuşam dəniz sahilində...
Soyuqdu mənə, pişiyə də,
Elə sudakı balıqlara da...
üzümü tutub göy üzünə,
Uladım bu gecə,
Nigaran qalma, gedirəm,
Vidalaşmadan heç kimlə...

*

Yox, ağlamıram...
Hər gecə qan-tər içində yuxudan dik atılıb
Sənə şeir yazmıram...
Hər gün şəkillərini qucaqlamıram!
Yox, yalançı deyiləm,
Baxmıram xəritədə getdiyin şəhərə,
Heç hava proqnozuna da...
Sənə yazdığım axırıncı məktubu
Biləyimə, tam damarımın üstünə yazdım,
Didim-didim elədim...

Qiymət 5/5 (100%) (1 səs)

Digər xəbərlər

Şahanə Əzimli. "Səni məndən azad etdim"

Namiq Hüseynli. Seksual manyak şairlər

Məhəmməd Salur. VARLIQ VƏ YOXLUQ BARƏDƏ BİR NEÇƏ KƏLMƏ

Tatti Lobanovanın enerjili və yumoristik rəsmləri

Araqdan sonrakı əzginlik

Şərhlər