Xəyal Aslan. ESSE İkinci cins (qadın guşəsi)

Xəyal Aslan. ESSE

Qızını döyən dizini döyər...

Ulu babalarımızın hikmətli kəlamları vardır. Bu söz və nəsihətlər bizlərin mayasını yoğurur, kəsəsi həyatımızı istiqamətləndirir.

Özünüzü qoruyun!


***
Çox dəqiqi xatırlayıram. Birinci sinifə yeni başlamışdım. Müəlliməmiz valideyn iclası çağırmışdı. Ana və atalar bir nəfər kimi sinif otağına toplanmış, məktəbdə keçiriləcək şənliklə bağlı müzakirələr aparırdılar. Uzunculuq etməyim. Müəlliməm atalarsözü müsabiqəsi təşkil edəcəyini dedi və əlavə etdi "uşaqlar gəlin elə indidən başlayaq, görək kim ulu babalarımızın hikmətli kəlamlarından sitat gətirə bilər?!"
Sinif yoldaşlarım sırayla ağızlarına gələni deyirdilər. Nə bilim "odda yanmaz suda batmaz" kimi tapmacalar, yemək, maşın adla filan, hər dəfəsində də gah valideynlər, gah da muəllimə təbəssümlə bildirirdilər ki, bu atalarasözü deyil, tapmacadır, addır, əşyadır və s.
Oturub çox fikrləşdim, birdən ağlıma gəldi...pişik çevikliyi ilə yerimdən sıçrayıb qışqırdım... "Qızını döyməyən dizini döyər!"
***
Hər gün səhər döşəməsi neftlə qarışıq maye ilə təmizləndiyindən qoxusu ağır sinifə qəribə bir sükut çökdü. Sanki həyat dayandı. Hamının nəzəri mənə yönəldi. Etiraf edirəm ki, həmin dəqiqələrdə bərk qorxmuşdum.
Sonra sanki "play" düyməsinə basdılar. Üzlərdə möhtəşəm təbəssüm və davamlı alqışlar. Afərin sədaları. Məni öpən kim, başıma sığal çəkən kim, bağrına basan kim... bir anda qəhraman olmuşdum. Bu duyğular altı yaşlı birinci üçün möhtəşəmdir, tərifi mümkünsüzdü...
***
Bəzən oturub ayıq başla düşünürəm, o sözlər yığınını mən haradan, kimdən öyrənmişdim?
O hadisəni heç vaxt unutmuram. Təkrar edirəm.
Altı yaşlı oğlan uşağı sinif yoldaşı qızcığaz haqqında onun döyülməsini labüd olduğunu deyir və hayqırır, ay millət bunu indi etməsəniz sonra peşman olacaqsınız!
Yaxşı bunu mən uşaq ağlımla dedim, bir yağlı şillə əvəzinə niyə həmin qızcığazın anası məni bağrına basdı, öpdü, müəlliməm afərin dedi?!
Bu nə anlayış, nə təfəkkürdür?
Əziz bacım, sinif yoldaşım, lütfən məni bağışla... səndən üzr istəyirəm. Günahın məndə olmadığını ümid edirəm ki, anlayarsan!
***
Amma gəlin əyri oturub, düz danışaq. Sabahın ana namizədi qızlarımızı bu qədər aşağılamaq, döymək, söymək bizə yaraşarmı?!
Söhbət fiziki döyməkdən getmir, bəhsikeçən atalarsözünün mahiyəti elə mənəvi tərəfdən həm döyməkdir, həm söymədir. Bu qədər bəsit.
Hansı zamanda yaşayırıq, rica edərm mənə bildirin Əfəndilər.
Biz hələ də yalvarırıq ki, qızlarımıza dəyər verin, oxudun, ərkən yaşda ərə verməyin, şəxsiyyət kimi böyüdün.
Və düşünüb idrak etməyiniz üçün ətrafınıza baxın. Görün bu kəlamları həyatının fəlsəfəsi edən nə qədər tanışlarımız, qohumlarımız, dostlarımız, müəllimlərmiz vardır... ki, bu kəslər sevinclə bizləri alqışlayıb, sevib, qəhraman edirlər...
Ayıb deyilmi?
Sualları çox uzatmaq olar, amma inanın bu atalarsözlərini xadıradıqca, hövsələm daralır, yaxşısı Xaqani Haasın şeiri ilə mövzunu qabatım. Anlayana çox mətləblər bu şeirdə...

Oğulluq
Özümü çıxardıram oğulluqdan
oğulluğun hər növündən;
atanın oğlu
vətənin oğlu
vətənin atasının oğlu
"ayağının altında cənnət"
cənnətlik ananın oğlu.
ana vətənin oğlu
atalığınız, vətənə atalığınız,
analığınız, müqəddəs analığınız
başınıza dəysin.
Mənə dəyməyin!

Qiymət 4.25/5 (85%) (4 səs)
Qızını döyən dizini döyər...

Ulu babalarımızın hikmətli kəlamları vardır. Bu söz və nəsihətlər bizlərin mayasını yoğurur, kəsəsi həyatımızı istiqamətləndirir.

Özünü">

Digər xəbərlər

Rasim Qaraca. Son şeirlər

İltifat Köçəri - Mişanın kədəri

Ramiz Atabəy.VƏ QIYIQ GÖZLÜ BİR QADIN...

Küçədə yatan səfil və qız

Şərif Ağayar - Anar və Quş adam

Şərhlər