Bəzən bir sevinc ümidi böyüyər insanın içində. Xoşbəxtlik küncdən-bacadan əl yelləyərək gah görünər, gah itər. «Heh, tutdum. İndi tuturam. Yaxşı, sonra tutaram.» Yaşamaq elə bir şeydir ki, o xoşbəxtliyə çatmaq, lazım olan zamanı təmin etmək istəyərsiniz. «Sabah, deyərsiniz. Hələ bu işləri həll edək, sonra baxarıq, deyərsiniz. Bu səfərdən bir dönüm, həll edərik, deyərsiniz.» Bir şey olacaq və ondan sonra xoşbəxtlik qapıları açılacaq. Bəlkə bir vəzifə, bəlkə bir evlənmə, bəlkə bir miras, bəlkə bir müvəffəqiyyət.. Və o gözləyiş müddətində ölüm qorxudar insanı. Xoşbəxtliyə çatmadan ölmək, yox olmaq kimi bir şey. Halbuki bütün ömür boyu bu gözləyiş içində keçər insan həyatı. Sonuna qədər də yəqin ki ölümdən buna görə qorxuruq. Axtardığımızı tapmağımıza az qalmış əllərimizi böyrümüzdə buraxacağıq deyə. Buna bir də can qorxusu əlavə olunur. Bir bədəndə bir can daşımağın da zövqü başqadı əlbəttə. Saçlarını daramaq, mahnı oxumaq, təraş olmaq, yaşadığını, var olduğunu insana hiss etdirər. «Var olmaqdan» «yox olmağa» dönmək qorxudur insanı. Bir sual gəlir ağlıma.. Yer üzündə yaşayanlardan soruşsaydıq: «Eyni həyatı bütün detallarıyla yenidən yaşamaq istəyərdiz?!» Görəsən neçə dənə «bəli» cavabı alardıq? Mən öz hesabıma «xeyr» deyirəm. Çəkdiklərimi yenidən çəkmək istəməzdim. Hər gözəl bir anı insan yenidən yaşamaq istər məncə. Müəyyən bir həyatın sonunda onun təkrarını arzulamayanlar, ondan zövq almamış olanlardır. Elə isə tək bir şey qalır ağlımda. «Hər gün yenidən doğulmaq, amma olduğun yerdən etibarən yenidən doğulmaq.. Doğulduğun gündən etibarən deyil.» Yəni heç bir keçmiş yoxmuş kimi yenidən doğulmaq. Əslində bu mümkün olsa çox xoş bir şey olacaq. Bütün köhnə bağları, köhnə ehtirasları boş vermək, bütün məsuliyyətlərdən azad olmaq.. Həyata həm yenidən, həm də indiyə qədər təmin edilmiş təcrübələrlə başlamaq. Amma heç bir qatar, girdiyi relsdən aşmamış çıxa bilməz.. Və insanın beynində düşüncələr başlayar: — Ah, kaş ki o biri qatara minsəydim. — Ah, kaş ki burda bir döngə olsaydı. — Ah, kaş ki burda bir az daha durabilsəydim. Qatar boş verər bunları. Girilən relsdən müəyyən olunmuş dayanacağa qədər aparar səni. Sabah deyirik. Sabahdan bir şey gözləyirik. Ümid edək ki, sabahın gətirəcəyi tək şey, o biri gündən bir şeylər gözləmək olmasın..

• 1
• 2
• 3
• 4
• 5