![Rasim Qaraca. Ədəbiyyatın cazibəsi. Rasim Qaraca. Ədəbiyyatın cazibəsi.](/media/uploads/news/307202027161511427.jpg)
Rasim Qaraca. Ədəbiyyatın cazibəsi.
10-08-2024
10-08-2024
27-07-2024
Gecədir, soyuqdur, bürünmüşəm yorğana,
Yoxluğunu geyinib uzanmışam sakitcə.
Yoxluğunu soyunub sevişmək vardı indi,
Xəyallarda qapqara, bir cüt gözlər var indi.
Əynimdə var yoxluğun, altımda bir sənsizlik.
Sevişdik sənsiz-sənsiz.
Qulağımda ahların, bir də bir cüt qara göz,
Çox çətindir sevişmək, ah çəkmədən bircə söz.
Xəyalın gedir-gəlir, içimdədi yoxluğun.
Xəyalını qovuram, əl çək, get, qurban olum.
Gecədir, soyuqdur, bürünmüşəm yorğana,
Yoxluğunu geyinib zillənmişəm tavana...
***
Xatirəni qovuram siqaret tüstüsüylə,
Düşünürəm yoldakı yiyəsiz küçükləri.
Onlardan fərqim budur:bir cüt təzə çəkmələr.
Pəncərəmdən görürəm şütüyən maşınları
İzlər qalır, gedirlər...
İnsanlar da bu cürdür,
Şütüyüb keçir bəzən bir gözün qırpımında.
Yiyəsiz küçüklərsə bilməz baş sığalını,
Gəzərlər veyl-veyl.
Nimdaş paltarlı səfil, sərxoş yazan bir şair...
***
Əlində rəngli şarlar, xoşbəxt deyil bu uşaq
Baxır buludlara, baxır şarlara
Axtardığı xoşbəxtlik aid deyil dünyaya...
Getdiyi yollardan qayıtmağı öyrənir,
Ayaqqabı bağını bağlamağı öyrənir
Öyrənir yavaş-yavaş darmadağın olmağı
Saçını daramağı, ağlamağı öyrənir
Mən bilirəm o uşaq kimdir boylanır ordan
Əllərini uzadır, çağırır, gülümsəyir
Sonra baxır, tanımır, susur geri çəkilir,
Iki cümlə söyləyir:
Çıx get burdan, gözləmə..
Tək qalmaq istəyirəm...
Yoxluğunu geyinib uzanmışam sakitcə.