Seymur Baycan senzuraya qarşı Gündəm
literaz.com
30-04-2014 17:34
105457 baxış 
Kəramət Böyükçö,Seymur Baycan? ,
Seymur Baycana qarşı senzura olunubmu?
Aprelin 22-si 1937.az saytında gənc yazar Kəramət Böyükçölün yazıçı Seymur Baycanla müsahibəsi yayımlanıb. Müsahibə böyük səs-küy doğurub. Lakin, Seymur Baycan müsahibənin adı çəkilən sayt tərəfindən senzuraya uğradığını, bəzi hissələrində hakimiyyətyönümlü mediaya tənqidlər olduğu üçün kəsildiyini iddia edib və müsahibənin onun fikrinə görə senzura olunmamış, orijinal versiyasını kultura.az saytına göndərib. Seymur Baycanın iddiasına görə müsahibədə aşağıdakı cümlələr senzuraya məruz qalıb.
Kəramət Böyükçöl: Əlbəttə!
Seymur Baycan: Ola bilər. Bilirsən bəzən insanlar düşünürlər ki, hakimiyyətin saytları proseslərə təsir edə bilmir. Əlbəttə, təsir etsələr onlar üçün daha yaxşı olar. Pul xərcləyirlər.Düzdü,bu xərclədikləri pul onlar üçün qəpik-quruşdu. Üstəlik bu pul gəlib jurnalistlərə çatana qədər vasitəçilər üstündən o qədər götürür ki, axırda demək olar ki, heç nə qalmır ortada. Bu saytlara pul xərcləyənlər istəyirlər ki, nə yolla olur olsun saytları populyar olsun. Saytların redaktorları bu sifarişi yerinə yetirmək üçün hər bir yola əl atırlar. Təki oxucu toplasınlar. Axırda biabırçı bir mənzərə yaranır. Bu gün bir çox saytlarda insanları beş yüz, yeddi yüz, min manata girov, əsir götürüblər. Facebook təbirincə desəm onları deaktiv ediblər. Əvvllər danışa-danışa susanlar vardı. İndi də yaza-yaza yazmayanlar ordusu yaranıb. Hərəsinin qabağına bir meşok kağız töküblər səhər gəlib, axşam gedirlər. Guya işlə məşğuldurlar. Yazı yazırlar. Əslində isə onları əsir götürüblər. Onlar da mesajı başa düşürlər və sevgidən zaddan yazılar yazıb, duyğu sömürüsü yapıb öz əsir həyatlarını yaşayırlar. Bir sözlə, Conatan Sviftin təbirincə desəm xiyardan enerji almaq istəyirlər. İndi 1937-ci il deyil ki, aparıb adamları orda burda güllələsinlər. İndi adamlara bir-iki manat pul verirsən özləri-özlərini öldürürlər. Özü də daha biabırçı formada. Məni daha çox gənc yaltaqlar təəcübləndirir. Görünür hər şeydə,həyatın hər bir sahəsində yaş həddi aşağı düşüb, əvvəllər futbolçunun əsl karyerası iyirmi yeddi yaşda başlayırdı, indi iyirmi yeddi yaşlı futbolçu qoca sayılır. Deyəsən yaltaqlıqda da yaş həddi aşağı düşüb. Niyə bunlar anlamırlar ki, yaltaqlanmaq, əzilmək, girmək, sabunlanmaq üçün hələ qarşıda çoxlu münbit şərait yarancaq. İndidən özlərini bu qədər xərcləməsinlər. Həyat hələ qabaqdadı.
1937.az saytı özlüyündə müsahibənin bu versiyasının orijinal olmadığını, müsahibəni bu şəkildə yaymağın media etikasına zidd olduğunu bildirib və Seymur Baycanı saxtakar adlandırıb.
Müsahibənin Seymur Baycana və 1937.az saytına görə orijinal versiyalarını aşağıdan oxuya bilərsiniz.
Qiymət 5/5 (100%) (1 səs)
Yazarlar
-
Vladimir Sorokinlə müsahibə
Müasir rus nəsrinin aparıcılarından biri,
-
Türkiyəli qadın yazar Güzide Ertürk
Güzide Ertürklə söhbət
-
Yeni Zamanlar
Türkiyəli yazıçı Işık Yanarla s&oum
