Nicat Həşimzadə. Şeirlər Şeir

  • 29-03-2015 21:00
  • 43216 baxış
  • şərh
  • ,

Nicat Həşimzadə. Şeirlər

Diaqnoz


Doktor, möhtəşəm kilsə qübbəsi 
mənə tənhalıq diaqnozu qoyur,
cəfakeş insanın əzablarından 
doğulub bu amansız duyğu.
Buludlar qaralanda vücudlar yuyulub ağarır,
Ruhlar yenə də kirli qalır.
Tanrının məbədini başına uçurur,
Somalidə aclıqdan ölən körpə.

İnsan yalnız ölüm anında
bəşəri həqiqəti dərk edir.
Yalnız aciz adamlar
əbədi həyat arzulayır.
sən xəstədən həyatını rüşvət alırsan, doktor,
utanma, həqiqəti de,
ölüm işgəncələrin sonudur.
Pulum yoxdur, doktor, öldür məni,
ümidlənmə, ziyarətimə gələn olmayacaq.
Kilsə qübbəsi düzgün diaqnoz qoyub
öldür məni doktor,
Tanrı səni bağışlamaz,
gənc yaşında günahkar olma doktor,
öldür məni . . . .

 

Tanrı özünü inkar edir


Süzülür yağış damlaları,
Tanrının göz yaşları
xoşbəxtliyimizi dəfn edir. 
bəşər övladı öncə Tanrıdan,
sonra anasından, sonda özündən 
ayrılır. 
son dedikləri elə budur. 
insanın ilk vətəni 
günahkar qadın vücududur.
Ölüm hələ dərk olunmayan
ən ali həqiqətdir. 
Ana bətnindən ayrılmaq 
ölümün özüdür.
Süzülür yağış damlaları
Tanrının göz yaşları
kilsə divarına yazılmış
" tanrı var " sözlərini yuyur . 
Daha bir varlıq intihar edir. 
Özgələşmək intiharın ilk addımıdır 
vahiməli gecədə kimsəsiz qadın
yağışdan qorunmaq üçün 
ümid adlı çətir axtarır.
yağış damlaları dilənçi qarının
göz yaşlarında heçliyə dönür,
müdrik qoca mənə söyləmişdi,
ən qorxunc iblis hakimiyyət arzusudur,
və peşman olmaq vicdan əlamətidir.
Süzülür yağış damlaları
Tanrının göz yaşları
bəşəriyyəti qüssə simfoniyası ilə suvarır .

 

Qiymət 5/5 (100%) (2 səs)

Digər xəbərlər

Samuel Bekket. Şeirlər

Rafiq Hunaltay. Həqiqəti Enrikinin qucağında axtaranlar. esse

Sənan İsmayılov. Yazıçı. Uzanmış ömür. h e k a y ə

İ.Kazımov. Nasir Mənzurinin “Feillik” kitabı haqqında

Rasim Qaraca. Böyük insanla görüşlərim. h e k a y ə

Şərhlər