Səkinə Qərib. ÇILĞIN ŞEİRLƏR Şeir

  • Səkinə Sartel
  • 25-05-2014 21:37
  • 52639 baxış
  • şərh
  • ,

Səkinə Qərib. ÇILĞIN ŞEİRLƏR

Gecədir, soyuqdur, bürünmüşəm yorğana,

Yoxluğunu geyinib uzanmışam sakitcə.

Yoxluğunu soyunub sevişmək vardı indi,

Xəyallarda qapqara, bir cüt gözlər var indi.

Əynimdə var yoxluğun, altımda bir sənsizlik.

Sevişdik sənsiz-sənsiz.

Qulağımda ahların, bir də bir cüt qara göz,

Çox çətindir sevişmək, ah çəkmədən bircə söz.

Xəyalın gedir-gəlir, içimdədi yoxluğun.

Xəyalını qovuram, əl çək, get, qurban olum.

Gecədir, soyuqdur, bürünmüşəm yorğana,

Yoxluğunu geyinib zillənmişəm tavana...

 

***

 

Xatirəni qovuram siqaret tüstüsüylə,
Düşünürəm yoldakı yiyəsiz küçükləri.
Onlardan fərqim budur:bir cüt təzə çəkmələr.
Pəncərəmdən görürəm şütüyən maşınları
İzlər qalır, gedirlər...
İnsanlar da bu cürdür,
Şütüyüb keçir bəzən bir gözün qırpımında.
Yiyəsiz küçüklərsə bilməz baş sığalını,
Gəzərlər veyl-veyl.
Nimdaş paltarlı səfil, sərxoş yazan bir şair...

 

***


Əlində rəngli şarlar, xoşbəxt deyil bu uşaq
Baxır buludlara, baxır şarlara
Axtardığı xoşbəxtlik aid deyil dünyaya...
Getdiyi yollardan qayıtmağı öyrənir,
Ayaqqabı bağını bağlamağı öyrənir
Öyrənir yavaş-yavaş darmadağın olmağı
Saçını daramağı, ağlamağı öyrənir
Mən bilirəm o uşaq kimdir boylanır ordan
Əllərini uzadır, çağırır, gülümsəyir
Sonra baxır, tanımır, susur geri çəkilir,
Iki cümlə söyləyir:
Çıx get burdan, gözləmə..
Tək qalmaq istəyirəm...

Qiymət 4.75/5 (95%) (4 səs)
Gecədir, soyuqdur, bürünmüşəm yorğana,

Yoxluğunu geyinib uzanmışam sakitcə.

Digər xəbərlər

Könül Nuriyeva. C23D. h e k a y ə

Tofiq HÜSEYİN. Şeirlər.

Yusif Yusifzadə.Inspiration yoxsa perspiration. e s s e

Taleh Məmmədov - Kitab oxumağın mənasızlığı

Hər küçədə minlərlə rejissor var

Şərhlər