Mirzə Alik. Qırmızı Winston. h e k a y ə Hekayə
31-07-2019 16:16
38678 baxış 
Mirzə Alik
Qırmızı Winston
h e k a y ə
15+
İlk tanışlığımız 2016-cı ilin payızında oldu. Elə ilk görüşümüzdə öpüşdük və bu öpüşmə mənə elə təsir etdi ki, şəhərin mərkəzi küçələri ayağımın altından qaçdı, işıq dirəkləri və monoton həyatları ilə barışan insanlar gözümdən axıb getdi.
Universitetdə iqtisadi nəzəriyyə müəllimi tələb-təklifdən danışdığı anlarda, mən səni və növbəti görüşümüzü düşünürdüm.
Artıq hər gün evdən çıxdıqda səninlə görüşə, öpüşməyə tələsirdim. "Where is my mind?" parçası qulağımda, səninlə əl-ələ İçərişəhərin dalanlarında bütün bəşərin yadından çıxırdıq. Biz o dalanlarda itdikdə, dünyanın başqa şəhərlərində inqilablar olur, müharibələr başlayır, insanlar doğur, doğulur və ölürdü.
Biz isə Bakının melanxoliyası ilə üz-üzə qalmışdıq. Hətta bir dəfə səninlə öpüşməyimizi bir nəfər, nümunəvi vətəndaş post paturul xidmətinə xəbər verdi. Polis isə hər ikimizi bölməyə aparmaqla təhdid etdi, mənimsə 17 yaşım vardı. Sonra isə "cavan uşaqsan, özünü hədər eləmə" deyərək səbəbsizcə buraxdı.
Münasibətimizin mənə zərər verməsini Səhiyyə Nazirliyi daima məni xəbərdar edirdi. Lakin münasibətimizin 8-ci ayında dövlət öz səviyyəsində mənə səni qadağan etdi.
Demək olar ki, səni əvəz etmək istəyənlər çox oldu, amma heç biri ilə zaman səninlə axdığı kimi axmırdı. Səni yenidən görməkdə qərarlı idim.
Bir dəfə, işlədiyim restoranda səni alman bir turistlə əl-ələ gördüm. Nə qədər cəhd etsəm də yaxınlaşa bilmədim.
Bir dəfə isə səni Mərdəkandakı çimərliklərin birində quma basdırılmış şəkildə gördüm. Yenə də yaxınlaşa, əlindən tuta bilmədim, bəlkə də xoşbəxtliyinə mane olmaq istəmirdim. Bilmirəm, bəlkə də xoşbəxt deyildin. İlleqal şəkildə yaşamağın necə hiss olduğunu bilmirəm.
2,5 ildən sonra səni İçərişəhərdə kiçik bir marketdə tapdım. Sevincimin həddi-hüdudu yox idi. Əslində hər şey yuxu kimi gəlirdi mənə çünki bir neçə dəfə səni yuxumda görmüşdüm.
Bəlkə də səni bir daha tapa bilməyəcəm amma sən öləcəyim anda gözümün önünə gələcək kadrlardan birisən.
Qiymət 5/5 (100%) (1 səs)
Mirzə Alik
Qırmızı Winston
Yazarlar
-
Vladimir Sorokinlə müsahibə
Müasir rus nəsrinin aparıcılarından biri,
-
Türkiyəli qadın yazar Güzide Ertürk
Güzide Ertürklə söhbət
-
Yeni Zamanlar
Türkiyəli yazıçı Işık Yanarla s&oum
