![Rasim Qaraca. Ədəbiyyatın cazibəsi. Rasim Qaraca. Ədəbiyyatın cazibəsi.](/media/uploads/news/307202027161511427.jpg)
Rasim Qaraca. Ədəbiyyatın cazibəsi.
10-08-2024
10-08-2024
27-07-2024
HEYY, YAXŞI İNSANLAR
Yaxşı insanlar ölmürlər,
Küsüb gedirlər dünyadan, insanlardan,
Allahdan uzaqlaşıb gedirlər...
Yaxşı insanlar ölmürlər,
Yumruqlarını sıxıb dil-dodaqlarını dişləyirlər əsəbləşəndə,
Qəlb qırmamaq üçün çox oldu əllərinə keçəni qırdıqları...
Yaxşı insanlar ölmürlər,
Küsüb gedirlər vicdansızlardan, idbarlardan-allahdan...
Yaxşı insanlar ölməsin deyə,
Abidələr ucaldaq,
Yiyəsiz bir iti yemləyən,
Küçə pişiyiklərini bir sığalla sevindirən,
Ya da sonuncu qəpiyini dilənçiyə verib evə əliboş qayıdan
Bir ADAM abidəsi....
BALACA PİŞİK
Hey, balaca pişik,
Sənə qara deyib qovdular,
Bilmədilər bilmədiyini...
Qara olduğunu bilməməkdi,
Rəngindi gunahın,
Qara balaca pişik...
Halbuki “iyiler siyah giyer”
Demişdi Almora...
Tüpürüb qovdular səni,
Balaca pişik...
Halbuki istəklərin eyniydi
Qara “geyməyən” pişiklərlə,
Elə sən də qaçırsan yuvarlanan bir yumağın arxasıyca...