YENİ SƏSLƏR: Səkinə Qərib Şeir

  • Səkinə Sartel
  • 26-06-2014 01:51
  • 51359 baxış
  • şərh
  • ,

YENİ SƏSLƏR: Səkinə Qərib

Qar udduğum günlər

 

Yağışda gözləyəcəm səni,

Ağlayanda, sevinəndə.

Ayaqlarımı yağışa çırpa-çırpa evə qayıtdığım günlərdə.

Qar udduğum, susuzluq çəkdiyim,

Günəşi gördüyüm günlərdə.

Sabah tanıyacam səni,

Qan-tər içində, istidə

Sabah ildönümüdür səni tanımağımın...

 

Soyuqdan donan tüstülər 

Litvada qar yağır,

Ağır-ağır...

Pəncərənin qabağında tüstülətdiyim siqaret yönlənir bu şəhərə,

Yəqin buna görə sönür...

Soyuqdan donur tüstülər, üşüyür,

Duyur tüstülər uzaqlığı, ayrılığı...

Bir başqa cür tüstülənirlər,

Qəmli-qəmli,

Litvada qar yağır...

Səsim dəyişir hətta,

Bir başqa cür olur...

Ağırlaşır əllərim,

Siqareti qaldırmayacaq qədər...

Qardan ölüm qoxusu gəlir,

Qar dənəcikləri qan dadır,

Litvada qar yağır...

Qiymət 2/5 (40%) (1 səs)

Digər xəbərlər

ŞvartsMan. Dağıdıcılıqdan yaradıcılığa. e s s e

Çingiz Sultansoy. Heç kim qatil doğulmur

Orta statistik sentimental azərbaycanlılar

Ataqam. "Fələstinli və sərçələr"

Çingiz Sultansoy. Mühacir Yazarlar. Nazim Hikmətin döyüşkən babalari: alman, polyak, türk.

Şərhlər