Vaqif Yusiflinin cəsarəti Ədəbi mühit
Aygül Portakal
25-05-2014 00:36
46344 baxış 
Qocaman tənqidçi Vaqif Yusifli gözlənilmədən üzvü olduğu Azərbaycan Yazıçılar Birliyinin ünvanına sərt tənqidlər səsləndirib. Ədəbiyyat Qəzetinə verdiyi müsahibədə o “təkcə AYB-nin fəaliyyətini yox, bütün ədəbi prosesi izlədiyini” bildirib, açıq şəkildə ifadə etməsə də Azad Yazarlar Ocağının və AYB-dən kənarda olan digər ədəbi qüvvələrin fəaliyyətini izlədiyini dilə gətirib. Vaqif Yusifli Azərbaycan Yazıçılar Birliyinin yaxınlaşmaqda olan qurultayından danışarkən qurultayın nizamnaməyə uyğun olaraq vaxtında keçirilmədiyini vurğulayıb. Yazıçılar Birliyinin heç kəsə lazım olmayan təşkilat məsələsindən danışan V.Yusifli “bu illər ərzində Yazıçılar Birliyinin ədəbiyyatın inkişafında müəyyən xidməti olduğunu” etiraf edib, AYB-nin istedadlı yazarlara qiymət vermədiyini ifadə etməyə çalışaraq “istərdim ki, AYB istedadlı yazıçılara qiymət versin” deyib. Vaqif Yusifli Azərbaycan Yazıçılar Birliyində tərəfgördülük hallarını tənqid edərək “bu gün lazım olmayan əsər haqqında bəzən bir il mətbuatda yazılar dərc olunur, ancaq həmin əsərdən heç də geri qalmayan bir mətn haqqında hamılıqla susuruq” deyib. Bundan başqa, peşəkar tənqidçi Ədəbiyyat Qəzetinin uzun illərdən bəri oxunaqlı qəzet olmadığını cəsarətlə ifadə edib, Elçin Hüseynbəyimlinin redaktor olmasıyla onun əsl ədəbiyyat qəzetinə çevrilməsini də açıqlayıb.
mənbə: Ədəbiyyat Qəzeti 23 May 2014
Qiymət 5/5 (100%) (1 səs)
Yazarlar
-
Vladimir Sorokinlə müsahibə
Müasir rus nəsrinin aparıcılarından biri,
-
Türkiyəli qadın yazar Güzide Ertürk
Güzide Ertürklə söhbət
-
Yeni Zamanlar
Türkiyəli yazıçı Işık Yanarla s&oum
