Bu gün (8.4.2014)də çox maraqlı hadisələrlə rastlaşmışam.İctimai əhəmiyyət kəsb etdiyindən qələmə alıb oxucuların diqqətinə təqdim etmək qərarına gəldim. Deməli belə :-bir neçə gün əvvəl "hesablayıcıya" ehtiyyat qaz yükləmək zərurəti yaranmışdı. Odur ki əynimi geyinib, bir müddət əvvəl tanınmış tikinti şirkətində yük avtomaşınında sürücü işlədiyim vaxtlardan "Qara gün" üçün artırıb saxladığım 2500 manat puldan qalan, sonuncu iki ədəd "yüzlüyin" birini götürüb şalvarımın sol cibinə qoyub Bakının ucqar qəsəbələrinin birində Kirayədə qaldığım, elə də müasir görkəmi olmayan iki otaqlı həyat yanı evin qapısını kilidləyib küçəyə çıxdım.Əvvəlcə pulu xırdalatmaq lazım idi "Bankomata" tərəf Yaxınlaşanda 5-6 nəfər mənim kimi orta yaşlı kişi xeylağının şirin- şirin söhbət etdiyini görüb onlara yaxınlaşdım."Yüzlüyü" göstərib xırda olub- olmadığını soruşdum.Biri cibindən xeyli pul çıxarıb məminiyyətlə xahişimi "göydə qapdı" Təçəkkür edib "Bankomatdan "qaz yükləyib" ordan aralandım.Xeyli vaxtdır "bekar" qaldığımdan özümə bir iş tapmaq üçün şəhəri gəzib - dolaşmaq-istədim. Tez də həvəsim öldü. Elə müvafiq bir iş tapacağıma əmin olmadığımdan,həm də özümü çox yorğun hiss etdiyimdən evə döndüm.Səhəri gün dükandan müəyyən lazımi şeylər alıb həmin "yüzlük"dən qalan puldan satıcıya bir "iyirmilik" uzadıb pulunu çıxmasını xahiş etdim.Satıcı pulu alıb o üz bu üzünə baxandan sonra özümə qaytardı ki :- Əmi ayıb deyil məni "zülmə" salırsınız?Əvvəlcə başa düşmədim satıcı nə demək istəyir.Sonra pula diqqətlə baxıb işin nə yerdə olduğunu anladım. Sən demə "dostum" pulu xırdalayanda dövriyyəyə tam yararsız olan,sanki ağır döyüşlərdə yaralanmış əsgər kimi "canı" başdan-başa nazik"skoçla" sarınmış "iyirmiliyin" birini mənə "sırımışdır".Aldanmış insanın keçirdiyi təəssüf hissi ilə o gün pulumu xırdalayan adamın -nə üçün xahişimi "göydə qapdığınını" xatırladım.Nə etmək olardı?Satıcıdan Üzrxahlıq edib başqa pulla hesablaşıb ordan uzaqlaşdım... Eşitdiyimə görə Mərkəzi Bankda dövriyyəyə yarasız olan pulları dəyişdirmək mümkün olur.Ona görə də növbəti gün səhər saat 11 radələrindədə ora getmək üçün 90 nömrəli avtobusa minib yola düşdüm.Onu da qeyd edim ki Bakıda ən zəhləm gedən şey avtobuslara minməkdir.Birincisi sürücülər kefləri istədikləri kimi avtobusu idarə edir. Nəzərə almırlar ki apardıqları xırda buynuzlu yaxyd da iri buynuzlu mal-qara yox ,canlı insanlardır.İkincisi son dayanacaqlarda həddindən çox dayanırlar. Eləbil insanların bir -birinə tam pərçimlənməsini gözləyirlər.Yollardakı "tıxac"lar yalan olur.Biri düşmək istəyəndə gərək sərnişinlərin yarısı boşala, düşənə yol verə.Elə vəziyyətdə hətta cibgirlər də rahat "işləyə" bilmir.Çoxlarının əli -əllər yuxarı!- komadndasında olduğu kumu goydən asılı vəziyyətdə qalır. Bu da onların bir çoxunun axşam evlərinə, arvad uşağın yanına əli boş "üzüqara"qayıtmalarına səbəb olur...Bundan başqa bir də gördün bashabasda birinin ayağını tapdaladılar.Dava qopdu nə qopdu! Söyüşün biri -bir qəpik...Üçüncüsü, döşəmə həmişə zir zibillə, toz-torpaqla dolu olduğundan, dayanacaqlarda qapılar açılanda külək döşəmədən qalxan tozu insanların ağzına,gözünə doldurur. Adama elə gəlir sanki şəhərdə, avtobusun içində deyil hardasa dağ ətəyi kəndlərin birində küləkli gündə eşşək arabasında yol gedirsən. Əlbətdə bütün bunlar nəinki sürücülərin, bütövlükdə nəqliyyat nazirliyinin,sərnişin daşıma departamentinin əməkdaşlarının öz vəzifələrinə nə dərəcədə məsuliyyətsiz yanaşmalarının göstəricisidir. Yol kənarlarının,küçələrin həmişə ,zir zibill içində olması da bələdiyyə işçilərinin vəzifələrini necə "vicdanla" yerinə yetirdiklərindən xəbər verir. Buna görə də belə natəmizliyi, vəzifə sahiblərinin qanraldıcı məsuliyyətsizliyini görməmək üçün imkan daxilində ictimai nəqqliyyatdan həmişə az istifadə etməyə çalışıram. Nə isə, sağ-salamat gəlib məkana çatdım.Avtobusdan düşüb "Kapital Bank"ın yanından işıqfor olan yerdən Milli Banka tərəf yolu yenicə keçmişdim ki bir az aralıda dayanmış 4-5 nəfər Polis işçilərinin ikisi mənə sarı yaxınlaşıb qabağımı kəsdi.Biri özünü tələsik təqdim edib sonra mənim "kimliyimi" tələb etdi.Dedim ay rəis nə olub? Nə cinayət etmişəm? Zəhmət olmasa izzah edin görüm nə günahın sahibiyəm?! Elə bu zaman 40-45 yaşlarında boyu orta boydan yuxarı,idmançı görkəminə malik Altay adlı bir vətəndaşı da saxladılar. İkimizin də "təqsirimizi" eyni vaxtda üzümüzə "oxuyub" yeraltı keçiddən istifadə etmədiyimizə," Piyada yol hərəkət qaydalarını" pozduğumuza görə dövlətə iyirmi manat cərimə ödəməli olduğumuzu bildirdilər.Mən bir anlıq dönüb gəldiyim tərəfə baxdım. Polisləri və yolun əks tərəfində dayanan vətəndaşları görəndə istər-istəməz "heyvanlar aləmində"verilişindən yayımlanan Afrika qitəsində savannada çayın o biri sahilinə keçmək istəyən antilopları suyun artasında səbrsizliklə gözləyən timsahları xatırladım...Ağzımı açıb etiraz etmək istəyirdim ki,Altay məni qabaqlayıb özü "hücuma" keçdi. Polislərə qarşı sərt reaksiyasının nə ilə nəticələnə biləcəyini təxmin etdiyimdən onu nə qədər sakitləşdirməyə çalışsam da xeyri olmadı.Görünür vətəndaş tez-tez haqsızlıqlarla rastlaşdığından əsəbləri tamam korlanmışdı.Bomba kimi partladı:-Ə siz nə danışırsınız?! Ə siz bir yolluq deyirsiniz yıxılın,ölün! Ə Sizin əlinizdən başımızı hara götürüb qaçaq?!-Polislər ona qışqırmamağı məsləhət gördükcə zavallı daha da ucadan danışmağa,içində bəlkə də aylarla,illərlə yığılmış hirsini-hikkəsini tökməyə çalışırdı. :- Özünüzə iş tapmısınız ə?! Ə millət nə hayda Siz nə haydasınız?!Camaat işsizlik əlindən başını itirib ayağını gəzir siz də cərimələməyə adam axtarırsınız?!Ə əvvəlcə bir iş verin işləyək özümüzə çörək pulu qazanaq, sonra da cəriməni gözümüzə soxun daa? Ə Çoxları fikir-xəyal içində hətta qabağından gələnlərin üzünü görə bilmir- siz də deyirsiniz keçidi görməyirsiniz?.. Polislər :-bu saat səni şöbəyə aparacağıq! Ə maşını bəri sür!- deyərək onu qorxutmağa cəhd etdilər.Polislərin bu sözlərindən sonra Altay özünə nəzarəti tamam itirdi:-Ə nə şöbə- şöbə salmısınız?!İyirmi dəfə olmuşam sizin şöbənizdə!Tüpürüm sizin şöbənizə! Siz də özünüzü adam hesab edirsiniz ə?! Altay necə lazımdı sözlə asayiş keşikçilərinin "qol-qabırğalarını sındırıb şil-küt" elədi.Sonra da cibindən xeyli pul çıxarıb :-alın bu da sizə indicə aldığım kreditdən iyirmi manat! Haramınız olsun!- deyib pulu üstlərinə tullayıb deyinə-deyinə çıxıb getdi.Mən "mat"- məəttəl qalmışdım.Təsəvvürümdə qanunlarımızın nə üçün hüquqa söykənmədiyi haqqında acı düşüncələrə dalmışdım. Düşüncələrdən məni polislərin səsi ayırdı.:-Növbə sənindir-deyə ac göz baxışlarını mənə sarı zillədilər-Dedim ay rəis mənim az-maz savadım var. Qanunu necə pozduğumu xahiş edirəm mənə bir daha izzah edin.-Polis:- o keçidi görürsən? :-Dedim bəli görürəm. Dedi- bu tərəfə o keçiddən keçməli idin.Yolu bir başa keçdiyin üçün iyirmi manat cərimə olunursan! Dedim -ay rəis mən haradan,nədən bilim ki o keçiddən mütləq istifadə etməliyəm?! Əgər etməsəm cərimə oluna bilərəm? Nə üçün o keçidin yanında bu haqda heç bir məlumat yazılmayıb? Məsələn:- Yeraltı-yerüstü keçidlərdən istifadə etməyən vətəndaşlar filan məbləğdə cərimə olunacaqlar!Yaxud da Şəhərin hər hansı yerində belə bir məzmunda müəyyən yerlərdə elanlar,lövhələr asılmışmı? Mənə birini göstərə bilərsinizmi? Rəis:-televizizora baxmırsan? :-Televizorumuz iki ildir xarab olub.Maraqlı,aktual verilişlər göstərmədikləri üçün, təmir etdirməyə də həvəsim yoxdur.Çoxları da mənim kimi.Rəis:- mən bilmirəm! "Kimliyini" bəri ver!Dedim :- ay rəis avtomagistralda avtomobil müfəttişləri sürücüləri "gözüm çıxdıya" salıb siz də səkilərdə piyadaları...Hərçəndi yeri gələndə avtomobil müfəttişlərini başa düşmək olar.Çünki sürücülər sürücülük məktəbində oxuyarkən yol hərəkət qaydalarını pozduqları halda hansı məbləğdə cərimə ödəməli olacaqlarını bilirlər.Piyadaların isə əksəriyyəti belə cərimələrin mövcudluğundan tam xəbərsizdilər.Onları bu haqda məlumatlandırmadan onlara qarşı cərimə tətbiq etmək qeyri-qanunidir.Təsəvvür edin prezident hər hansı bir fərman imzalayır...O fərman rəsmən dövlət qəzetlərində dərc olunduğu andan qüvvəyə mindiyi kimi keçidlərdən istifadə etməyən piyadalara tətbiq oluna biləcək cərimələr haqqında qanun da müvafiq yerlərdə, xüsusi lövhələrdə yalnız öz əksini tapdıqdan sonra qüvvəyə minmiş sayıla bilər.Baxın hər gün bölgələrdən minlərlə vətəndaşlarımız Bakıya qonaq gəlir. Siz də hər gün səhərdən-axşama şəhərin müxtəlif guşələrində inşa edilmiş keçidlərin ətrafında sanki meşədə pusquda "şikar" gözləyən ovçular kimi vətəndaşlarımızı 20 manat məbləğində cərimə etmək üçün dayanıb gözləyirsiniz...Mən inana bilmərəm ki hökumətimiz öz vətəndaşlarını qanuna zidd,kütləvi şəkildə cərimələmək fikrinə düşsün.Milyonlarla yığdığınız pul vəsaiti dövlətin büdcəsinə qanunsuz yolla daxil ola bilməz! Bunun nə demək olduğunu anlayırsınızmı?!..Sizin bu "əməliyyatınızı" mətbuat səhifəsinə çıxarsam "poqon"larınızla öpüşüb-görüşüb vidalaşmalı olacağınızı bilirsinizmi ?! İçlərində lap yekəpəri,boynu yoğun, baş çavuş rütbəsində olan polis,dişlərini qıcayaraq ,məni hədələməyə başladı:- Ə get hara yazırsan yaz! Kimə istəyirsən yaz!.. Ağlını bayaqkı oğlana vermə onu yaxşı tanıyırıq deyə baş qoşmadıq.Bu saat "kimliyini" verməsən səni maşına basıb aparıb şöbədə "tozunu" elə çırpacağıq ki tər-təmiz olacaqsan.Yatanda əynini soyunmaq belə lazım gəlməyəcək başa düşdün?!... Çoban paltarını atıb qeyri-məlum səbəblərdən polis paltarı geyinən bu yekəpərin qorxu-hürkünün,hüquq və qanunun nə olduğunu bilmədiyini görüb "əyləci" basdım....Bir az da dərinə getsəm "dərinlikdə" batıb qalacağımı,ən azından sağlamlığımı ciddi təhlükəyə məruz qoyacağağımı düşündüm..."Vəziyyəti dəyişə bilməyəndə-vəziyyətə münasibətini dəyiş"prinsipini yada salıb,həmçinin elə də zərurət olmadan özünü "tankın altına" atmağın mənasız olduğunu,heç kimə xeyir vermədiyini dərk etdiyimdən mübahisəni uzatmaqdan vaz keçidim, Yavaşca, hiss olunmadan sakitcə "zadnıya" verib,"taktikanı" dəyişidim. Aşağı "tonla" bura haradan, nə üçün gəldiyimi,üstəlik "veteran" olduğumu bildirdim...Rəis məni sınayıcı nəzərlərlə başdan-ayağa süzüb:-qulağını bəri tut-dedi.Qulağımı "mikrafon" əvəzi rəisin ağzına dirədim.Rəis pıçıldadı:-Bütün mənə dediklərini get nəqliyyat nazirliyinə, bir də daxili işlər nazirliyinə söylə.Gedə bilərsən!- Lal -dinməz aralandım.Nə başınızı ağrıdım Milli Bankda da sabah saat 10-11 arası gələrsən deyib qapını göstərdilər.Suyu süzülə-süzülə geri döndüm.Yol boyu rəisin pıçıltısı qulağımdan çəkilmədi ki çəkilmədi...

• 1
• 2
• 3
• 4
• 5