Bizim təsəvvürümüzə görə dünyada ən çox kitab oxuyan insanlar Avropa ya da Amerikada yaşayan insanlar olmalıydılar. Ancaq sən demə dünyada ən çox kitab oxuyan insanlar Cənub-Şərqi Asiya ölkələrinin xalqları imiş. Bu haqda İngiltərədə fəaliyyət göstərən "Dünya Mədəniyyət Səviyyəsi İndeksi" təşkilatının məlumatında bəyan edilib. Məlumata görə dünyada ən çox kitab oxuyan xalq hindlilər imiş. Belə ki, Hindistanın xalqı həftəlik vaxtının 10 saat 42 dəqiqəsini oxumağa sərf edirmiş. Halbuki, statistik məlumatlara görə Hindistan xalqının savadlılıq dərəcəsi qlobal səviyyədən aşağıdır. Bu ölkədə xalqın cəmi 74 faizi orta məktəbi bitirib. Ancaq, ölkə 1947-ci ildə müstəqilliyini qazandıqdan sonra xalqın savadlılığı 6 dəfə artıb. Özü də hindlilər təkcə kağız üzərinə çap olunmuş kitabları deyil, həmçinin online kitabları da çox oxuyurlarmış. Siyahıda Hindistandan sonra ikinci yeri Tayland tutur. Bu ölkədə insanlar həftədə 9 saat 24 dəqiqə kitab oxuyurlarmış. Tay xalqı arasında aparılan sorğuya görə xalqın 88 faizi kağız üzərində çap olunmuş kitablar oxuyur və gündəlik vaxtlarının təqribən 28 dəqiqəsini oxumağa sərf edirmiş. Bu o deməkdir ki, Taylandda insanlar Hindistana nisbətən smartfon və telefondan daha az kitab oxuyur və bunu Taylandda kitab çapı ilə məşğul olan nəşriyyatlar da deyir. Siyahıda üçüncü yerdə isə Çin durur. Bu ölkədə rəyi soruşulanlanların dediyinə görə həftədə təqribən 8 saatlarını kitab oxumağa sərf edirlər. Ölkə xalqının 96,4 faizi savadlıdır. Bu dünya ortalamasından da yüksəkdir. Dünya ortalaması isə 86,3 faizdir. Çinlilər gündəlik vaxtlarının cəmi 11 dəqiqəsini qəzet və jurnal oxumağa sərf edirlər. Çin xalqı arasında bədii ya da əyləncəli ədəbiyyat oxumaq isə olduqca populyar imiş. Siyahı bütünlükdə isə aşağıdakı kimidir: Ölkələr Həftə ərzində oxumağa sərf etdikləri vaxt 1 India 10:42 2 Thailand 9:24 3 China 8:00 4 Philippines 7:36 5 Egypt 7:30 6 Czech Republic 7:24 7 Sweden 7:06 8 France 6:54 9 Hungary 6:48 10 Saudi Arabia 6:48 11 Hongkong 6:42 12 Poland 6:30 13 Venezuela 6:24 14 South Africa 6:18 15 Australia 6:18 16 Indonesia 6:00 17 Argentina 5:54 18 Turkey 5:54 19 Spain 5:48 20 Canada 5:48 21 Germany 5:42 22 USA 5:42 23 Italy 5:36 24 Mexico 5:30 25 UK 5:18 26 Brazil 5:12 27 Taiwan 5:00 28 Japan 4:06 29 Korea 3:06

• 1
• 2
• 3
• 4
• 5