Rəzalət Gündəm

Rəzalət

Bu gün çox hörmətli Elmir Mirzoyevin mühazirəsinə getmişdim. Elmir bəy hərzamankı kimi möhtəşəm idi.
Amma mən bir dinləyici kimi çox utandım. Hətta,xəcalət çəkdim. Zaldakı yaşlı və gənc nəslə baxdıqca, anladım ki, hələ çooooooox geridəyik.Çox. Allah qoymasa, hələ bu zaldakılar dəyişiklik filan istəyənlərdir. Adicə etiket qaydalarından bixəbərdirlər. İlahi, bircə saaatlıq mühazirəboyu o zalın qapısı nə qədər açıldı. Telefonuna zəng gələn kim, (hələ Elmir bəy özü əvvəldə telefonları söndürməyi rica etmişdi) telefonla danışan kim.
Yəni, elementar şeyləri bilmək lazımdır məncə.
Əgər siz bir mühazirədəsinizsə,(teatr, konsert, balet və.s. həmçinin)üstəlik, gedib, ən ön sırada oturmusunuzsa, hətta, çöldə dünya dağılsa belə,sizin yerinizdən durmağınız böyük bir MƏDƏNİYYƏTSİZLİKDİR. Hətta, çıxışçını bəyənməyə bilərsiniz.Teatr xoşunuza gəlməyə bilər. Yenə də yerinizdən qalxıb, zalı tərk etməyiniz MƏDƏNİYYƏTSİZLİKDİR.
Əgər getdiyiniz yerə gecikmisinizsə, mühazirə və ya yuxarıda saydıqlarım artıq başlayıbsa, içəri girməyiniz MƏDƏNİYYƏTSİZLİKDİR.
Cəhhənnəm, içəri girdiniz(ki, şəxsən mən bunu qəbul etmirəm. Məsələn, bu gün bəlkə 20 nəfər belə etdi. Təsəvvür edin, 20 dəfə gecikənlər qapını açdılar.İçəridəkilər də dönüb, onlara baxdılar) gedib yuxarıbaşa keçib,oturmağınız böyük bir MƏDƏNİYYƏTSİZLİKDİR. Gecikməyiniz, içəri girib,diqqəti yayındırmağınız bir deyil, utanmadan qabağa necə keçə bilərsiniz? Zəhmət çəkib, gizlənə-gizlənə arxada bir yer tapın özünüzə.
Şəxsən mən müsavat başqanının da mühazirə başlayandan sonra içəri girməsini düzgün saymadım. O da nə qədər diqqət cəlb etdi.
Təsəvvür edin, mühazirənin ortasında qocalı-cavanlı kim istəyir, durub,çölə çıxır. Gedə-gedə də, deyir ki, gedim, bir siqarət çəkim, gəlim. Elə bil, şadlıq evində toydadır. Rəzalət idi.Utanıb, yerə girdim rəsmən. Vallah, Elmir bəy o mühazirəni yarıda qoyub, getsə idi, haqlı olardı. Hətta, bir anlıq özüm istədim ki, bu mədəniyyətsizlikləri görməmək üçün çıxım zaldan. Sonra özümü topladım ki, mən bura Elmir bəyə görə gəlmişəm. O getmədi isə, mən də qalmalıyam. Müsavat bu qədər illərin partiyasıdır, amma bir mühazirədə davranış qaydalarını partiya üzvlərinə öyrədə bilməyib bu illər ərzində.Doğrudur, bu, şəxsi davranış qaydası məsələsidir. Amma yaşlı kişi və qadınlara, elə gənclərə də baxanda, hiss olunurdu ki, bu insanların mühazirədə oturmaq təcrübələri yoxdur. Olsa idi, bu insanlar bu illər ərzində etikadan bu qədər kənar qalmazdılar. Düzdür, zalda təkcə müsavat yox, basqa təşkilatlardan, məsələn, elə nidadan da bir-iki nəfər var idi. Elə o gənclərdən də mədəniyyətsizlik edənlər oldu. Amma zalın əksəriyyəti müsavatçılar idi. Bir sözlə, çox üzüldüm. Bir mühazirəçiyə qarşı belə hörmətsizlik YOLVERİLMƏZDİR.
Çox demirəm, heç olmasa, müxalifətdə olan adamlar bu elementar etiket qaydalarını bilsəydilər, hər şey çox daha başqa cür olardı. Bunları bilmək isə, anadangəlmə olmur.(çox vaxt belə olmur ən azından) Oxumaq,mütaliə,belə mühazirələrə, teatra, konsertə tez-tez getmək təcürbəsi öz sözünü deyir əlbəttə ki. Yəni, hər şey praktikadan asılıdır.
P.S. Dinləyicilərin bütün bu mədəniyyətsizliyinə baxmayaraq, Elmir bəyə dəyərli söhbəti üçün təşəkkür edirəm və şəxsim adına ondan üzr istəyirəm.

P.P.S. Mən heç kimə ağıl vermək fikrində deyiləm. Sadəcə gördüklərim məni dəhşətə gətirdi deyə, bunları yazmalı oldum. Bunları səmimi, dost tənqid kimi qəbul etsək, məsələn:)

Qiymət 5/5 (100%) (1 səs)

Digər xəbərlər

Xədicə Cəfər. DİV (resenziya)

İnternat uşaqlarının qaranlıq taleyi

Həmid Piriyev. "Bağışlayın, Rənanı tanımırsınız?"

MEHRİBAN OLAK…

Amerikalı astronavt Klayton Andersonun gündəliyindən

Şərhlər