Taleh Məmmədov - Kitab oxumağın mənasızlığı Gündəm

Taleh Məmmədov - Kitab oxumağın mənasızlığı

Taleh Məmmədov

Kitab oxumağın mənasızlığı

  Bu  yeni intellektual tayfa var ki, bu tayfa özlərini xüsusi kasta sanırlar, hə, bunlar yeni aşağılayıcı söz çıxarıblar, Seymuru, Ələhbəri  zadı oxuyurlar, elə bilirlər ki, ədəbiyyatın as bilicisidirlər, sonra da  kimisə acılamaq istəyəndə onun haqqında "ömründə beş kitab oxumamış" yazırlar. Məsələn, mühacirətçi yazar Günel xanım Mövludun hər iki yazısından birində bu söz birləşməsinə rast gələ bilərsiz. Kitab oxumamaq ayıbdırmı? Əlbəttdə yox. Kitab oxumamaq ətraf mühitə, ekologiyaya xeyir verməkdir, qlobal isinmənin qarşısının alınmağına yardımdır və s. Kimi ki, çox kitab oxuyur, bilin ki, ya uğursuz adamdır ya da bekardır. İşləyən, çalışqan adam heç vaxt çox kitab oxumaz.

  Məsələn mən on aydır "Da Vinçi Şifrəsi" adlanan kitabı oxuyub bitirə bilmirəm. Səbəb sadədir, mənim onu oxumağa boş vaxtım yoxdur! Vəssalam!

  Və bundan başqa, kim ki, oxuduğu kitabların sayı ilə fəxr edir, rədd edin və o adamdan uzaq durun. O sadəcə bədbəxt və əlindən bir iş gəlməyən adamdır ki, kitab oxumağı ilə fəxr edib bununla özünü bir növ sığortalayır. Vot!

  Çox kitab oxumağı ilə fəxr edən adamla qır-qızılı ilə fəxr edən adam arasında prinsip etibarı ilə ciddi fərq yoxdur. Odno i toje. Çox kitab oxuyan adam adətən ya "kitab yüklü eşşək" olur ya da "kitab şkafı". Başqa adı yoxdur. Qaldı kitab oxuyanlarda söz bazasının bol olmasına və s. boş söhbətdir. Son dəfə oxuduyub bitirdiyim kitab məktəb dərsliyi olub ki, bunun da üstündən 15 il neyləyib? Keçib, bəli. Amma nə olsun?! Söz bazam kifayət qədərdir, istədiyim fikri istədiyim formaya salıb yaza bilirəm.

  Bizim “yazarlar” özləri guya çox oxusalar da ortaya hələ ki, fərli başlı yazı çıxara bilməyiblər. Yazdıqları sərsəm beyinlərinin fantaziyasıdır ki, uzağı bir imza günü keçirib öz “kruqlarına” sırıyırlar, bununla da görüntü yaradırlar ki, guya yazardılar. Hətta mən yazar tanıyıram, kitabını yazmaq üçün məşhurlaşan bir təşkilata nümayişkaranə şəkildə üzv olub ki, sonradan bu təşkilatın üzvləri onun kitabını alsınlar. Bu yazarı alqışlamaq lazımdır. O əsl tapıntıdır! Milli mentalitetin incəliklərinə dərindən bələddir, onları mənimsəyib və haqqın yolunu neyləyib? Bəli, tapıb.

  Və ya o biri yazar var ey, gündə bir şəklə düşən, özünü divanəliyə vurub dağlara çəkilən. O gün də hekayəsinin bir hissəsində plaqiat tutublar, deyir ki, yox ey, postmodernizmdir bu. İndi gəl buna sübut elə də. Əh!

  Nə isə. Ağaclara dəyməyin. Barı elektron çıxarın zir-zibilinizi. O ağaclar sizdən daha faydalıdır kainata, bəşəriyyətə.

Qiymət 5/5 (100%) (1 səs)

Digər xəbərlər

Margaret Atwood'un ikinci romanı

Tural Türksoy. MÜBADİLƏ. hekayə

Şərif Ağayar - Anar və Quş adam

Onun pulu sənin vicdanını susduracaq

YENİ SƏSLƏR. ASİMAN EYNİYEV. HEKAYE. Romeo mənim oğlumdur

Şərhlər