YENİ SƏSLƏR: Səkinə Qərib Şeir

YENİ SƏSLƏR: Səkinə Qərib

Fəhlələrin iş görməkdən soyuyan çaylarının dadı gəlirdi günlərdən...
Ölmüş uşaqların yiyəsiz oyuncaqları,
Qocaların yaşamaq həvəsi,
Yanmayan alışqana olan hiddət,
Əldən yerə çırpılan fincan kimi idi günlər...
Yağışdan islanmış küçə iti kimi sığınmışdım sənə.
Siqareti sənin dodaqlarından çəkdiyim,
Qutularını daha bərk əzib atdığm günlərdən idi..
Şəkildə təsadüfi düşən adam idim o gün,
Yağışlı gün idi, yadıma gəlir...
Elə soyuq idi ki, ürəyimsə əllərimdəm soyuq...
Arsız-arsız qoxunu da qoyub getmişdin..
Sonra mən başqalarıyla aldatdım səni sərxoşkən...
Metro qatarının şüşəsindəki izlər qədər naməlum adamla...
İndi olmayan evimizdən bir qoxu, bir şarj, bir diş fırçası, bir cüt də ayaqqabı əksik qalacaq...
Bir siqaret tüstüsü qapını çırpıb gedəcək saymazyana...

İnsanlar əsəbləşər, çırparlar əşyaları yerə,
Cırarlar əllərindəki kağızı,
Siyirmələri itələyərlər hirslə,
Siqareti siqaretə calayarlar,
Bağırarlar bərkdən, bilməyərəkdən...
Unudarlar qorxaq ev pişiyini,
Balaca qızı, xəstə nənəni,
Unudarlar cırdıqları kağızı...

Qiymət 0/5 (0%) (0 səs)

Digər xəbərlər

Yadigar TAĞIYEV. Şeirlər

İlk sevgiyə də burda şahidlik eləmişdim...

Elif Şafak. Gənc olmaq müxalif olmaq deməkdir

Daim zorakılıqdan yazan incə qadın...

Seyid Hüseyn - Biçarə Xədicənin hekayəsi

Şərhlər